عضو في ضيافة قسم السيارات .. حياكم

السلام عليكم ورحمة الله وبركاته

عضو في ضيافة قسم السيارات ..حياكم


مساء الخير للجميع كيفكم

اليوم موضوعي خاص للشباب عن السواقة ..

عبارة عن اسئله يجاوب عليها بكل ارتياح ..

الأسئله :

1_ متى اول مره جربت تسوق؟

2_ نوع السياره الي سقتها اول مره ؟ لونها ؟ موديلها ؟

3_هل انت من النوع الي يحب السرعه ؟؟ اذا نعم كم تمشي 200 او 220 او 260 ..مدريي عاد اذا فيه اكثر من كذا ارقام قول لنا ..



4_نوع سيارتك الحاليه ؟ مواصفاتها ؟ سو دعايه لها يعني ^^

5_لمن تسوق غالبا تطقطق في جوالك او لا ؟(نبغى الصدق) ..

6_وانت تسوق في السفر تحب تسمع شيلات او اغاني او ايش ؟؟

7_ اخر مره سافرت فيها ؟ ووين ؟

8_ قد حصل لك موقف وخلص البانزين عليك ؟؟ خبرنا عن قصتك اذا أي واذا لا ان شاءالله يخلص بنزينك هههههههههه امزح ...

9_كم مره صورك ( ســـاهر) ...؟

10_ كم مره قطعت اشارة مرور؟

11_ تحب تفحط؟؟ اذا أي الله يصلحك واذا لا الله يثبتك ^^ ..

12_اخر مره غسلت سيارتك ؟

13_ بنزينك احمر ولااخضر ؟ هههههه سؤال شاطح بقوه ^^

14_ سياره تفضل تشتريها لو ظروفك تسمح ؟؟

15_ موقفك لمن اختك تسكر باب سيارتك بقوه ؟؟

16_ قد صار لك وصدمت سياره بالغلط يعني بسيطه ..

17_نبغاك تتكلم عن تجربه لك شخصيه بنوع سياره سواء كويسه او مو كويسه ...

18- وش موقفك من قيادة المرأة للسيارة ؟


شكرا لك اتمنى اسئلتي تكون ممتعه ..

تحياتي لكم

ان شاءالله مايكون مكرر






راح اختار


خالد

تفضل

خالد اذا خلصت


اختار العضو اللي بعدكك

يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’..
بإآنْتظَـــآرْ الَمزيِــدْ منْ إبدَآعِكْ ..
لــكْ ودّيْ وَأكآليلَ ورْديْ
لِك جِنآنَ آلورد مِنَ آلجوريّ

ههههههههههههههههه



يعني انا اول واحد تجربين فيه يا مريم بس ابشري بجاوب



انا يوم شفت الرساله فرحت احسبها نكت قلت جات في وقتها

بسم الله وعلى بركة الله


1_ متى اول مره جربت تسوق؟

طبعا سقت السياره وانا فالابتدائي تقريبا خامس ابتدائي


2_ نوع السياره الي سقتها اول مره ؟ لونها ؟ موديلها ؟

طبعا ونيت واللون ابيض وكسرناه
انا واخواني
3_هل انت من النوع الي يحب السرعه ؟؟ اذا نعم كم تمشي 200 او 220 او 260 ..مدريي عاد اذا فيه اكثر من كذا ارقام قول لنا ..

طبعا نعم وامشي طبلون السياره اللي معي احيانا والسرعه حسب انواع السيارة



4_نوع سيارتك الحاليه ؟ مواصفاتها ؟ سو دعايه لها يعني ^^

طبعا الحمد لله عندي ثلاث بس اللي انا استخدمها دايم واحبها جيب لكسز

5_لمن تسوق غالبا تطقطق في جوالك او لا ؟(نبغى الصدق) ..

اي والله اني اجيب العيد وصدمة كم مره بس تجي سلامات

6_وانت تسوق في السفر تحب تسمع شيلات او اغاني او ايش ؟؟

اسمع شيلات واغاني بس اكثر شي الشيلات

7_ اخر مره سافرت فيها ؟ ووين ؟

قبل فتره بسيطه للامارات

8_ قد حصل لك موقف وخلص البانزين عليك ؟؟ خبرنا عن قصتك اذا أي واذا لا ان شاءالله يخلص بنزينك هههههههههه امزح ...

فالك ماقبلناه هههههههه طبعا مرتين وكلها مع اخوي في سيارته وكلها وحنا رايحين للبر ونمشي بالكيلوات ونتهاوش انا واياه وطبعا فالمرتين نتصل على الامن وايجون ياخذونا بعدها كل ما اركب معه اقول فلل البنزين

9_كم مره صورك ( ســـاهر) ...؟

عاد مقدر اعدهم ترى الان علي مخالفات تقريبا اربعين الف غير اللي سددتهم اكيد صرت زبون لكمرا ساهر معروف مره عندهم
وترى لعلمك انا قبل كنت مسول عنهم

10_ كم مره قطعت اشارة مرور؟

كثير وبالذات اخر الليل طبعا هذا قبل ساهر من جاء ساهر يمكن مرتين ثلاث المخالفه بثلاث الاف ريال تقطع القلب

11_ تحب تفحط؟؟ اذا أي الله يصلحك واذا لا الله يثبتك ^^ ..

الا التفحيط اكره كره من الله ولله الحمد

12_اخر مره غسلت سيارتك ؟

كل يوم اخر شي الان وانا فالدوام يغلسون السياره

13_ بنزينك احمر ولااخضر ؟ هههههه سؤال شاطح بقوه ^^

طبعا احمر لانه انقى واحسن

14_ سياره تفضل تشتريها لو ظروفك تسمح ؟؟

الحمد لله اي سياره تعجبني اشتريها بس انا ماني طماع بدوي واكثر مايعجبني الجيوب بجميع انواعها
15_ موقفك لمن اختك تسكر باب سيارتك بقوه ؟؟

اسكتي هواش بس اقول عمى بعينك هالسياره بقيمة اربع مثلك ههههههه بس لو تسكره الحب بقولها فداك السياره وراعيها هههههههههههه

16_ قد صار لك وصدمت سياره بالغلط يعني بسيطه ..

ايه كم مره حتى اخر مره قبل كم يوم رجعت ورى وانا اكتب فالجوال صدمت واحد كان بيضربني وهو يهاوش عمى في عيونك ماتشوف بس على هالجوالات واتصدمون خلق الله وانا ساكت ماقلت ولا كلمه عاد المخطي ماله وجه يرد بس اقول ماعليه سامحني ماحصل شي وطلع طيب قال انتبه بعد كذا

17_نبغاك تتكلم عن تجربه لك شخصيه بنوع سياره سواء كويسه او مو كويسه ...

مره طلعت مع اصحاب لي نقنص ومعهم جيب مفقعه مساعداته وخربانه يومين وانا اسب فيهم تعرفون البر والمطبات فجر راسي قلت توبه معاد اروح معكم

18- وش موقفك من قيادة المرأة للسيارة ؟


طبعا لا ايد وكل يوم اردد المقوله الشهيره

لن تقودي لن تقودي ياموردت الخدودي



طبعا تمت الاجوبه بحمد الله واعذروني اذا فيها اي تجاوز شكرا لكم جميعا وشكرا

للغاليه مريم على هذا الطرح الجميل ودمتم بخير

طبعا اختار عبود يعني فيض واقول تعال هنا يا الامير واسدح الاجوبه

موضوع شيق لاعدمناك مريم
وامورك زينه ياللحن
واجوبتك رائعه
تقديري واحترامي للجميع

موضوع روعه مريومه

ههههههههههههههه اجابتك ضحكتني اللحن الشجي

وبانتظار الضيف التاني فيض

مريم الف ششكر ع الطرح الجميل
عاد مو تغصبون الشباب يشاركون اللي يبي يرد
واللي ما يبي براحته
/
اللحن
تسلم ع اجوبتك العفوية الصريحة وروحك المرحه
ومرهـ ثانية لا تسرع ولا تنشغل بجوالك وفوِّل سيارتك
وسدد مخالفاتك والله يكون بعونك ههه