محمد الشهري ..

السلام عليكم ورحمة الله وبركاته

في شاعر سعودي تواجد في الساحه الشعريه وأول أمسيه في مهرجان هلا فبراير ..

أسمه ( محمد الشهري ) أعجبني شعره

فأتمنى أن يعجبكم أيضاً ..

صورته << بالموت لقيتها




وأحدى قصائده ( يامدلعه ..)

يامدلّـعــه.. لاتدّعـــين الضيــق .. وانتي في ســـعه =
الضيــــق للــي ما اتّـــــسع له صـــدر محبـوبه لضاق
القلب نفســـه عنـــد متبهـــذل .. وعنـــد مدلـــعه=
الفــــرق فــي صدق المشاعــر.. والأحاسيس الرقاق
الله ياكــــم لي وانا منـــك الوفــــــاق .. استطلعه=
والحين .. لا إنتـي .. ولا قلبـك .. ولا حـتى الوفاق
آخـــر حكايـــة حــب وأول جــرح كنـــت اتوقـــعـه=
اللي بـرواق تحبـني.. تقـــدر تفارقــــني.. برواق
إحساســـك أصــــلا ما يناسبـــني.. وانا ما انفـــعه=
ما دام لــي مبـــدأ .. ولـــك رغبـــه بتغــيير الرفاق
النـاس قالــت: من يبيعك واشـــترى غــيرك.. بـعه=
لا تلحـــق اللي منـــك ما يستاهـــل اسبـــاب اللحاق
إخــترت امـــوت ولا يقــــولـون الخـــــلايــق: إمـــعه=
وأخـــترت افـــارق.. والصـــدق يا كره كرهي للفراق
اصبحــــت مثـــل اللــــي يدوّر للجهــــات الأربـــــعه=
راح الجهـــات الأربــــع.. ومازال في نفـــس النطـاق
المشكــــلـه .. ودّه يفضــفض مــــير كـــلٍ يصفـــــعه=
من حـــيث ما وجّــــه بوجـهه .. للاسف يلقى طراق
الحـــزن يجتاحــــه وشكـــّل فـــي حياتــه زوبـــعه=
وإحساس باهمال الجميـع.. يضاهي إحساس المعاق
الظاهـــر إن النــــاس في قــــلب المو اجـــــع مبـدعه=
والظاهــر إني صرت ممّــن.. لا يطيـق .. ولا يُطـاق
الحــــب.. من ذا اللي يقـــــول: الحـــب دنيا ممتعه=
في ذمّـــتي ما يقولهـــا لـــو كــــان ممّــا ذقت .. ذاق
إن شـــاف نفس اللــــي اشوف.. وما سمعته يسمعه=
يختـــار له نـــار الفـــراق .. ولا يجـــي جنّة عناق
العاشـــق اللــــي ما معـــه غــير إ نتفاضـــة مدمــعه=
الله يكــــون بعــــون قلبــــه .. واحتراقه .. إحتراق
إن جيــــت تلــــقى حالـــــته حاله وشبــه مضــيّعه=
أحيـــان يتنفـــس ولكـــن أغلـــب الحال .. اختنـاق
إنهــد حيله.. وإنجــرح .. وإحتـــاس في هالمعمعه=
محتـار ما يــــدري علــى ويـش الزعـــل والإنشقــاق
إنصـــب تفكـــــيره عــــلى (مــــاذا وراء الأقنــــعه)=
مسكـــين كــــان آخــــر ضحيّـــه للخيانه .. والنفاق
الحــــين يا ضـــــدّه تكــــون النــاس .. ولاّ يــا مـعه=
ما يعـــترف بالأوسطيـــّه .. و الثقــــه .. والإتـفاق
أرثــــي لحــــاله عندمــــا يكتب على الرمل اصبعه=
(هــــذي نهايــــة ما يسمّــــونه .. محبّـه وإشتياق)
الصدمــــه اللــــي سبّــبت هالحـــال .. جدا موجعه=
أشبــــه بصدمـــة أمّـــة الإســـلام فـي أرض العراق
مجــــنون ليــلى يتبــع أهـــواءه .. وحنّـــا نتــبعه=
يعنـــي انا وآلاف غـــيري .. ننـــدرج ضمـن السياق
الصـــدق .. لو هـــمّ الرجــــــل في كلمتين ٍ تقلــعه=
ما تمنـــعه أحيـــــان .. كلمة (يبغض الله الطلاق)
السالفـــــه أكـــــبر مــــن انــــه يمـتنع .. او تمنعه=
ما دامت الدعــــوه.. مصير إنســــان مربــوط بوثاق
إن حـــبّ ..حـــبّ.. الله يعينـــه والحشــــا متولعه=
من وين ما قلبــه يسوقــــه من ورى خشـــمه يســاق
الود ودك.. لا وصـــــل للوضـــــع هـــــذا .. تقـنعه=
(مهما إستمر الحـب.. يبقى آخر الحـب .. إفتراق)
أكـــــبر غلـــــط لــو شخص متبهــذل يحب مـــدلعه=
والإخت.. ما تقدر توسّــــع خاطـــره لو يوم ضاق ..............

سلااااااام

ريــفال