نسيت أنــــســـــــــاك .. << أول كتباتي - منتديات حروف العشق © عالم الأبداع والتميز

#1 29-Mar-2007, 06:37 PM

بسم الله الرحمن الرحيم

أتقدم وأضع بين أيديكم أول كتباتي ... وأتمنى أن تنال على رضى أعجابكم ..

وأليكم الغلاف واحداث القصه من توته الى أن خلصت الحتوته ...

سأحكي لكم قصه من نسج الخيال حدثت في زمان ومكان ليس ببعيد

في أحدى الأيام دخلت ريفال المنزل كانت قادمعه من الجامعه كانت طويله سمراء ذات شعر طويل
كما يدل عليه أسمعها ..ريفال: أمي ..أمي
الأم أنا هنا في المطبخ ..ريفال: أمي ..؟؟ ريفال بوجه حزين .. يماه لا تحزينين
الأم : لا تحرقين أعصابي شنهي النتيجه ..؟؟
ريفال : لازم كل سنه انجح يعني مو لازم ..
الأم : كذابه أعرف حركاتك أنا أكييد ناجحه
ريفال : لا يمه للأسف ...
الأم : شنهو ..؟ ريفال ..: أنا نجحت ..الأم أنا داريه تحبين بس تخرعيني بس يالله يابنتي على البركه
عقبال أخوانك ..الا وين أخوك محمد ريفال : والله ماأدري عنه تلاقينه بكليته دقي عليه شوفيه شنهي نتيجته
أكيد جايب العيد..
((ترن ترن)) جرس التلفون .. الام : ريفال روحي ردي شوفي مين أكيد أبوك خبريه بأنك نجحتي..
طيب .. ريفال : ألــو , الطرف الثاني : ..... ريفال : ألو مين ..؟؟ ردو ياعالم ألو ..ألو..أنقطع الخط
الأم : مين .. ريفال : ماأدري محد رد صار لهم كم يوم يدقون ومحد يرد الله يهديهم ناس فاضيه
يدق جرس الباب ..ريفال: يألله ولا أنه بيت وزير كل شوي يناس داقه الباب ياناس داقه تلفون
الأم أقول أفتحي الباب بلا قرقى زايده .. ريفال : مين ..محمد : ياسمين أقول أفتحي في غيري يعني
ريفال هه أدخل يايسمين هههه .. شخبار النتيجه خخخ أكيد محفل
أقول يالله أبعدي هن وجهي مالك دخل .. ريفال : ويو ويو تستاهل أحد قالك ماتذاكر
محمد : وأنتي بكيفك تستنتجين وتضحكين علي وتتشمتين من قالك .. أنا أصلا نجحت ..
ريفال : عيد ماأسمع ,, كثر منها المره الجايه شنو قال .. قال نجح ياعمي طير
محمد : شف شف شتبين أنتي أقولك نجحت ييييه غصب هي الدعوه قلتلك نجحت
أقول لا تكثرين حكي وين أمي ,ريفال:أمي في الصاله تلاقيها روح لها قول لها انك نجحت وخرط عليها
بالمره وقل لها أنك من الأوائل خخخخ ترها تصدقك , محمد : ههه وشتبين أنتي والله العظيم ناجح

على الأقل باركي لي .., ريفال : صج والله اجل مبروك وعلى البركه وعقبال مانشوف عيالك خخ
ياوليدي منيتي أشوف عيالك قبل لا تغمض عيني خخ , محمد :هههههههه أقول رفول يالعجوز أبعدي عن وجهي لا تشوفين شئ عمرك ماشفتيه
ريفال : هههههه طيب طيب ماقلت لك نجحت .. محمد : أووه على بالي جايبه شئ جديد كل سنه أنتي كذا..
ريفال : وجع تحسد أختك كش عليك باركلي على الأقل .. محمد : ههه لا ماحسدك شدعوه .. بس على البركه تستاهلين
أقول تعبت من القرقه بروح حق أمي ..ريفال: وأنا بروح فوق غرفتي بنام تعبان حيل .. محمد : أحسن فكه خخ نرتاح شوي من الأزعاج
ريفال: مالت عليك من زينك أوالا من زين هالوجه يالله بس مع السلامه قود نايت محمد : الحمد الله والشكر أي قود نايت وأحنا في عز الشمس
أقول روحي الله يستر عليك هههه مسكينه روحي ..
محمد دخل الصاله أم فيصل: هلا بوليدي بشر ..عسى ناجح .. محمد بدون مقدمات أكيييد ناجح أنا ولدك تربيتك خخخ
أم فيصل : أيه مبين والسنه اللي راحت مابقى ماده ماحملتها تقول تربيتي .. ؟!!
محمد : العام هذا الكلام خخ السنه غير ..؟ ( شوي سكتت ام محمد وكأن عندها كلام بس مو عارفه تقول)
محمد : يمه وشفيك..؟ أ مفيصل لا أبد بس قاعده أفكر في أختك ..؟ محمد : وشفيها عسى ماشر توني شايفها مافيها الا الهبال والعافيه
أم فيصل: لا مو كذا مافيها الا العافيه أقصد أن أختك كبرت وجاها نصيب بس مو عارفه أقول لها والا لأ..؟
محمد قوليلها شنهي المشكله وعطيها فرصه تفكر.. الا مين المتقدم..؟ أم محمد : اللي متقدم ياطويل العمر ولد عمك تركي
محمد : وجع لا لا تعطينه, أم فيصل : ليه ..؟ وشفيه ولد عمك وأولى من الغريب..؟ محمد : أيه ماقلنا شئ والنعم فيه
بس مايصلح لأختي ..أم فيصل : طيب ليه فهمني وأقنعني أنت شايف على الولد شئ محمد : لا بس مايصلح وخلاص
أم فيصل ليه طيب ..؟؟محمد: يمه خلاص أنتهينا وبعدين ريفال تحب تضحك ومزوحه مايركبون على بعض هذا طول اليوم
مكشر وعاقد حواجبه يلوع كبد أختي ليه شالله جابرها الا أنا أقولك دامك فتحتي السالفه أنا بقولك .. في واحد من فترة أسبوع تقريبا طلب أيد
ريفال بس أنا قلت بأخذ راي الأهل وهو واحد من الربع واحد طيب ومحترم ولاعنده سوالف وخرابيط..أسمه: فارس
أم فيصل :خلاص ياوليدي اللي تشوفه أنت كلم اختك اذا صحت بالليل .. محمد :طيب أنا بكلمها والله يقدم اللي فيه الخير
تامرين شئ يماه انا بروح بنام تعبان حدي موصل.. أم فيصل: لا نوم العوافي أنتو أثنيناتكم بتنامون وانا بجلس لحالي
بدق على أخوك الكبير فيصل يجيب عياله يونسوني شوي .. على بال ماتصحون
محمد براحتك بس يماه تكفين بس لا يسون أزعاج .. أم فيصل طيب أن شاء الله ماتبي غداء .. محمد لا مالي نفس أكل وأنا بنام
أم فيصل طيب خلاص .. وتاخذ السماعه وتتصل على فيصل ببتهم.. أم فيصل ألو .. فيصل : ألــو..
أم فيصل : السلام عليكم هلا بوليدي الكبير.. فيصل : وعليكم السلام اهلين يمه حي الله من سمع هالصوت
أم فيصل :الله يحييك شخبارك وشخبار أعيالك .. فيصل الحمد الله تمام بخير سألت عنك العافيه
الا أنتي أخبارك عساك بخير.. أم فيصل : الحمد الله أنا بخير , فيصل شخبار أبوي عساه بخير..؟
أم فيصل: بخير الله يسلمك بقولك تعال , عندك شئ اليوم , فيصل : يعني عندي كم شغله العصر
أم فيصل طيب خلاص جيب عيالك يونسوني وأنت روح خلص شغلك جيبهم يتغدون معاي .,
فيصل خلاص أبشري مسافة طريق والا هم عندك .. تامرين شئ ثاني .. أم فيصل لا أبد سلامتك
بس لا تسرع في الطريق انتبه زين .. فيصل أن شاء الله أم فيصل مع السلامه فيصل مع السلامه
( فيصل زوجته متوفي صار لها 3 سنين وماتزوج .. وعنده ولد وبنتين توائم صغار توفت زوجته وهي تولد التوائم ريم وريمان والولد أسمه خالد وعمره 5 سنين)

بعد ربع ساعه دق الجرس .. أم فيصل : مين ..؟؟ خالد : أنا جده ماعرفتيني ..أم فيصل : حيا الله من جانا هلا بخلوودي ويسلم خالد على جدته ويحب راسه
وين خواتك هم وراي بالسياره مع أبوي اللحين بينزلون .. ويدخل فيصل هلا يمه كاني جبتهم لك يالله أنا بروح
تعال على وين على الأقل تغدا وروح .. فيصل : لا لا يمه أنا مستعجل تامرين شئ .. لا سلامتك
يالله تعالوا أدخلو خلوود جيب أخوانك ودخلهم معك .. خالد : أن شاء الله وتغدوا وجاء العصر وهم يلعبون في الحوش أزعاج مو طبيعي
صحت ريفال على أزعاجهم وهي نازله من الدرج شعرها تقول بسم الله الرحمن الرحين وطلعت الحوش لهم
يالدببه يامزعجين انا بنام ليه تسوون أزعاج كذا .. وخالد وريم وريمان مصدومين من شكل عمتهم ..
خالد : عمتي ماعندك مشط تمشطين شعرك بصراحه تخرعين .. ..؟؟
ريفال : تعال تعال يابو لسانين شدخلك كيفي .. أيه أنا أبي أخرعكم << تصرفها هههه
أقول عمتي تعالي ألعبي معنا .. أركبي على السيكل وأنا بدفك ..ريفال : من زمان ماركبت نسيت كيف..؟؟
خالد : تعالي أنتي أركبي ولا تخافين .. ريفال : طيب وتركب على السيكل ويدفها هو وخواتها بأقوى ماعندهم وطلع السيكل خربان
مافيه لا فرامل ولا السير البي بالسيكل وتجيك ريفال طيران وتصدم بالجدار ولا بعد ريم ورمان يسون لها حره حره
ياعمتي أم كشه <<< لا والله الأحترام عمتي أم كشه
ويصحى محمد على أزعاجهم ويتجه مباشره الى مصدر الازعاج في الحوش .. ويروح يشوف ريفال حالها لله

<<<<<<<<< أللحين تعبت بعدين نكمل ...

هالله هالله بالردود لا تقصرون ...والا مافي باقي القصه << بيني وبينك يكون أحسن خخخ

سلااااااااااام

29-Mar-2007, 07:04 PM

ريـــفال قصه جميله من خيالك

ما شالله عليك ابداعتي بما كتبتي

عساكي على القوه ,, سلمت يمناك

ربي يعطيك العـــــــــــافيه

بنتظار البقيـــــــه

تحياتي

29-Mar-2007, 10:13 PM

لا لا ايه دا كلوا !!

ريفال مشاء الله عليك .. كل هذا عندك ومخبيته ..

بصراحة بدايه جيده .. واتمنى انك تكملينها .. خلينا نعرف وش بتسوي الاخت لما تعرف

انها مخطوبه .. اتوقع بتحفل بالدنيا ..

ولا تتاخرين ..

لك تحياتي ..

30-Mar-2007, 03:05 AM

ريفال

والله حركااااااااااااااااااات ’’ بس ابداع وخيالك واسع ماشاء الله عليك

ويلا كمليها بس تحمست وربي

ابغى اشوف وش صار بريفال في النهايه << مستعجله

تسلمين عنوني وانتظر البقيه على احر من الجمر << تبغى توهقها هع هع

ملكة الإحســـــــــــــــــــاس

30-Mar-2007, 03:55 AM

ريفال قلبي

بقراها ولي رجعة يالغلا

الف شكر لك

30-Mar-2007, 02:04 PM

يسلمو على القصه يا ريفال ,,,

بس القصه حقتك فيه متداخله بين اللغه العربيه والعاميه,,,,

بس هذي القصه كا بدايه اهنيك عليها ,,,

بس ياريت خليتي اللي يتكلم بلون واللي يرد بلون مثل الام بلون ,,,

وريفال بلون ومحمد بلون زي كذا ,,,

على العموم يعطيك الف عافيه على مجهودك الرائع ولا هنت يا الغلا,,,

30-Mar-2007, 03:48 PM

اقتباس:

المشاركة الأصلية كتبت بواسطة مـا كـان الفـراق اختيـاري

ريـــفال قصه جميله من خيالك

ما شالله عليك ابداعتي بما كتبتي

عساكي على القوه ,, سلمت يمناك

ربي يعطيك العـــــــــــافيه

بنتظار البقيـــــــه

تحياتي

الله يعافيك ويخليك تسلم تسلم

لأنك أول من تواجد ورد على القصه

والله يقويك ويعافيك ..

وأن شاء الله عن قريب البقيه..

وسلاااااااام

30-Mar-2007, 03:50 PM

اقتباس:

المشاركة الأصلية كتبت بواسطة al3ngha

لا لا ايه دا كلوا !!

ريفال مشاء الله عليك .. كل هذا عندك ومخبيته ..

بصراحة بدايه جيده .. واتمنى انك تكملينها .. خلينا نعرف وش بتسوي الاخت لما تعرف

انها مخطوبه .. اتوقع بتحفل بالدنيا ..

ولا تتاخرين ..

لك تحياتي ..

أيواه يأختي ياعيني عليك << فلم مصري خخخ

ريفال بتسوي العجايب هع هع هع هااااع

أن شاء الله ماأتأخر والله يعافيك

وتسلمي لتواجدك الحلو ..

سلااااااام

30-Mar-2007, 04:02 PM

اقتباس:

المشاركة الأصلية كتبت بواسطة ملكة الاحساس

ريفال

والله حركااااااااااااااااااات ’’ بس ابداع وخيالك واسع ماشاء الله عليك

ويلا كمليها بس تحمست وربي

ابغى اشوف وش صار بريفال في النهايه << مستعجله

تسلمين عنوني وانتظر البقيه على احر من الجمر << تبغى توهقها هع هع

ملكة الإحســـــــــــــــــــاس

الله يسلمك ياعنوني ..أن شاء الله الى

النهايه يستمر الحماس

وريفال أم كشه <<< ترى مو أنا هاذي خخخخخخخ

بس كذا خلصت الأسامي في العالم وأخترتها تكون هي

بطلة القصه خخخخخخ ولا تستعجلين خخخخ

تسلمين ماقصرتي..

سلااااااااام

30-Mar-2007, 04:03 PM

وعليك سلاااام ..

هلا وغلا بالكاتبه الجديده وين مخبيه
كل هل الابداع والله وطلعتي اخطر من الخطير
يلااااا ننتظر البقيه مو تنسين القصه ننتظر التكمله يالغلا...

ويعطيك العافيه ياعسل على مجهودك ...
فراشه بلا اجنحه ...