أول أطيافي - منتديات حروف العشق © عالم الأبداع والتميز

#1 25-Feb-2018, 12:39 PM

من أول خفقة بصدري وأنا فيك أرسم الأحلام
من أول طاري الأشواق وانت أول أطيافي

نذرت العمر لعيونك عسى تقبل بك الأيام

عسى باكر يجيبك لي وتوقد ليلي الطافي
يا أول حب يملكني من الهامه إلى الأقدام
زد بهجرك زد بصدك حشى ما أقول لك كافي
أنا كلي صبر وعناد مثل مابالعمر أعوام
كثر ما قلت لطيوفك متى يلفيني الجافي
ولو بحر الهوى غدّار أنا يا صاحبي عوّام
ما دام عيونك المرسى سنين العمرمجدافي

ممآرآق لي

25-Feb-2018, 12:49 PM

ياللي خذيت القلب في ظرف لحظات
ياللي سكنت ابداخلي في ثواني

من يوم شفتك رحت بي للمسرات
خذيتني في حبك لجو ثاني

جو المحبة والوفاء والمصافاة
وابعدت عني قيد هم طواني

علمتني كيف أعشقك موت بسكات
كيف اوصل لقلبك وأنا في مكاني

لملمتني بشويش من بين الآهات
داويت قلب كان قبلك يعاني

أعطيتني يمناك رغم المسافات
زرعت بي حب الأمل والأماني

لا قلت: أبشكي، قلت لي:يا الغلا هات
باخذ همومك وأحضنك في حناني

أنت الحنان أصلا خذا منك عادات
وأنت الحلا له في صفاتك مواني

نبرات صوتك غيرت كل مافات
(بالوشوشه) مثل النغم والأغاني

مقدارك أكبر من جميع العبارات
والمعذرة كان الخطا من لساني

الرائعه بجلبها للقصيد _ الخزامى _
سلمتي ياخيه