روايه جديده تطرح لكم احبتي

انــا مـو عـاشـق ولانــي حيــل احــــبك انــا ميـــت فيـــك يــا اغـــلى مـن غــلاتـــي /
الكاتبة : BRoNZ GiRL

بسم الله الرحمن الرحيم
اللهم صل على محمد وعلى آله وصحبه أجمعين

السلام عليكم ورحمة الله وبركاته

روايه في قمة الروعه سوف ابدها معكم احبتي بخط واضح لي كي يقراء الجميع بوضوح
اذا لقيت لها ردود سوف اتابع الروايه واذا لم القي لها أي متابعه لم اكمل
الروايه الراائعه
تحياتي احبتي مقدمآ

مشراق معجب بهذا

البـــارت الاول



على زفــه راشــد نزلت بهدوء والابتســامه ما انمسحت من ويهــا

وكانت تسوي كل اللي تقولها عليه المصوره
بعــد ماوصــلت الكــوشه يــت امها
ام عبدالله "امها : مبروك حبيبتي وتسلم عليها واهي خانقتها العبره
ريـم : يبارك فيج
وبعدها بدو المعازيم يسلمون عليهــا
ام عبدالله : يمه ريـم جهزي عمرج الحين بنوديج الغرفه اللي يم الدوانيه ريلج هناك بيشوفج
ريم : انشــالله
وقامت شوي شوي على انغام اغنيه هاديه وراحت تشـوف شــريك حيـاتهــا

بالغــرفه

ام عبدالله : مبروك ياوليدي
فواز : يبارك فيج خالتي واهو يبوس راسها
ريم : السلام
ام عبدالله و فواز : وعليكم الســلام
بعد ما طلعو فــواز قعد بكل برود : تعالي ليش واقفه
ريم قعدت بس بعيد عنه
فواز : زين انج قعدتي بعيد عشان لا افشــلج واقومج
ريــم انصدمت وبقلبها " هذي اولــها معقوله بكمل حياتي مع واحد مثل هذا
ريـم بشموخها المعتاد و بضحكه استهزاء : هههههه عاد انا اللي ميته عليك
فواز : اكيـد مو مهتمه لأنه اللي مثلج تبي اي واحد ياخذها ويسـتر عليها عشــان تكمل حياتها الوصخه بدون اي شك من اللي حولهــا بس على فكره انا ماخذيتج عبط قلت اتمتع بهالجمال مثل غيري
ريـم وقفت واشرت عليه بصبعها وجنه شي صغير : شوف يافواز انا ما اسمحلك انك تشكك بأخلاقي انا اشرف منك ومتربيه ولا لي حياه وصخه مثل ما تقول وكملت باستهزاء مع السلامه يازوجي العزيز وطلعت واهي تبجي بدال الدموع دمــ
صعدت غرفتــها وبدلــت وانســدحت لعل وعسى انهــا تقدر تنــام

--------------------------------

تحت بالغــرفه

فــواز : ههههههههه حسبــالها بكلامها بتخليني اوثق فيها كل الحريم جذي بالجذب محد يقدر يصيدهم هههههه خل اروح عند الشباب وايد ابــرك

----------------------------------------

امـــا بالصاله
كــانو البنـــات والحــريم مستانسين اللي ترقص واللي تسولف وتضحك من قلب
وكلهم مستانسين حق الثــنائي ( فــواز وريــم )
واصحاب الشـأن ماحسـو بطعم } الفـرح {


الشــخصيــات

بوعبدالله " 51 سنه ريــال غني له هيبته بالسوق وبيـن اهله الكل يحترمه ويخاف منه
ام عبدالله 48 سنه أم حنون طيبه انسانه بحالها عايشه عشان تربي عيالها وماهمها بالدنيا شي غير سعادتهم ..ام عبدالله ورثة لعيالها هالطيبه وزرعة بداخلهم حب الغير وجعلت منهم اشخاص يستحقون هالمحبه
عبدالله : 25 سنه مملوح وريال بكل معنى الكلمه ابوه مايوثق بغيره عبدالله كل همه انه امه وابوه راضين عليه
احمد : 23 سنه متخرج هالكورس ومايفكر بالشغل طويل ومعضل ابيض عيونه فاتحة وشعره بني البنات ذايبين عليه واهو مستانس بهالشي فصله كل شي عنده على ضحك اهو و ولد عمه فهد وتوأم روحه
ريــم : 20 سنه تدرس طب اسنان انثى بكل معنى الكلمه ماكو شي ينقصها بجمالها برونزيه من الله وجسمها جسم عارضات ازياء عيونها وسيعه لونها ياي على العسلي وراثة من ام ابوها .. شخصيتها قويه وكل بنات العايله يشكون لها وياخذون رايها بأي سالفه واهي اللي تحل مشاكلهم

ريــان ولــيان توأم 16 سنه بــ 11 ادبي
ريــان وليــان ماكو فرق بينهم غير انه ليــان عيونها سوده وريــان عسليه بيض ويهم بيبي فيس القعده بدونهم مو حلوه كل شي ماخذينا على ضحك


بو فواز و ام فواز متوفين من 5 سنــين بحــادث سيـاره
فواز : 25 سنه ريـال والكل يشهد بأخلاقه مايرد احد الكل يحبه حنطاوي طويل جسمه حلو عيونه وسيعه سوده باختصار تذبح
فهد : 24 سنه متخرج وقاعد مثل احمد ماله خلق شغل وسيــم لابعد درجه بس خبل ويحب يسوي روحه محشش مغازلجي ويعشق شي اسمه بنات
فجــر : 21 سنه تدرس طب اسنان مع ريم ملامحها بريئه حبوبه وهاديه
في : 16 سنــه بــ 11 ادبــي التوأم يعتبرونها توأمهم الثالث تشبهـم ومواليد نفس اليوم بس الوقت يختلف فصله ماتحب شي اسمه جد -------------------------------------------------

ريــــم

ايـــي احبــك ولـــكن عزتــــي فـــوق حبــــــــــــك

ريم واهي مقطعه روحهــا من البجي " هذا اللي حبيته ؟ هذا اللي ماشفت نفسي الا معاه هذا اللي تخيلته ابو عيالي شريك حياتي هذا اللي كنت اقول انه دوا جروحي وضحكت باستهزاء هههههه اهو ذبحني وين يداوي جروحــي

وقعـــدت تغنــي بصــوت حزيـــن

من يداوي جــــروح مكانها بالروح ..؟!!
شـــــلون انا بقدر اخفي احزاني ..؟!!
ما اقدر انـــــام الليل من كثر ما انوح ..
مكتـــوب علي ابقى دوم } اعاني {
قضيت ايام العمر {{ بالشقى والضيم }}
اثر الجروح اللي تجي من اعز ناسي
ابكي هموم الهجر { بدموع العين }
وابكي على حظي الذي بزمن قاسي

انـــا مليــــــــــــــــــــــت ..!!
انـــا مليــــــــــــــــــــــت ..!!
انـــا مليــــــــــــــــــــــت ..!!

------------------------------------------


احمــد : فواز من صجك ياي الحين
فواز : اعتبرها طرده
عبدالله : لا بس غريبه انت حتى ما قعدت 10 دقايق داخل
فواز يرقع: يعني البنيه تستحي وانا بعد مو متعود باركتلها وعطيتها هديتها ومشيت ومتى ماتعودنا عالوضع قعدنا كثر مانبي
فهد يستعبط وبصوت جنه محشش : اذا مو عاجبــتك انا اخذهــا
احمد وعبدالله كفخوه بالمخده
عبدالله معصب : جم مره قايلك اختي لا تييب سيرتها وهبالك خله بعيد عنها
فهد يغطي ويها بإيده : توبه توبه
الشباب : ههههههههههههههههههههههههههه
فهد يكلم احمد : عجبتك ويغمز له
احمد : ههههههه ايي بس اهي سوتها احلى
فهد : اييي اهي كانت مسويتها بدون ما تقصد
فواز : شسالفه البنيه اللي تتحجون عنها
احمد : لو سمحت فواز انت الحين ريال متزوج ومن اختي يعني يابو نسب سوالف البنات تقطها ورا ظهرك
فواز من ورا قلبه : اكيـد لأنه مافي وحده تترس عيني بعد ريــم
فهد : اووه اوووه شفيه العاشق
احمد : وقع في الحب ولم يسمى عليه
فهد : انما اللغه Top
احمد : هههههههههههه انــما ؟ استاذ مصري ؟
فهد يكفخه بالولاعه : كل هالزين واستاذ مصري صج ماعندك ذوق
عبدالله : بلا سوالف يهال وعقلــوا
فهد يكمل مشروع المحشش : ياحبــيبي فلها ماكو شي يسوى يا احمد يــيبله كاس خل يعدل مزاجه
احمد قام يابله عصير تفاح مع ثلج : تفضل
فهد : ايــبـــــــاه ويشرب ويسوي روحه سكران
الشبـــاب : ههههههههههههههههههههههههه
بوعبدالله : فهـــــــد
فهد تصرقع وتعدل : هلا عمي امرني
بوعبدالله : متى بتعقل شالحركات
فهد : حقك علي عمي امسحها بويهي
بوعبدالله : فهد تعدل لا بالعقــال
فهد : تامر امر
بوعبدالله : قومو نامو باجر صلاه اليمعه
الشبــاب : انشالله
بوعبدالله : فهد واحمد باجر ان ماشفتكم بالخطبه ياويلكم مو مثل العاده تيون بعدها
فهد واحمد : انشالله
بوعبدالله : مع السلامه
الشباب : مع السلامه
فواز : يعني لازم كل خميس يعطيكم هالكلمتين
فهد : فوازوو لا تبدا انت الثاني خلاص
عبدالله: والله مو منكم من الرضاع اللي لي الصبح
فواز : فهد صج جم وحده تكلم
فهد ببرائــه : ستــه بس
عبدالله : مستانس وانت تلعب ببنات خلق الله
فهد : محد طقهم على ايدهم
عبدالله : وترضاها على اختك
فواز عصب : عبود شالحجي
عبدالله : انا ماكلمتك بس مايدري انه كما تدين تدان
احمد : عبود لا تبلش خلاص
فواز طلع باكيته وخذا له زقاره
عبدالله : شفيك معصب
فواز : مو معصب
عبدالله : اللي يشوفك وانت تدخن جذي بيقول انك معصب
فواز : بس عاد اسكت لا اقوم لك الحين
عبدالله : زين زين

----------------------

ريــــم

ريــم " انا من صجي ابجي عليه وحتى لو احبه اللي بيشك فيني ما يستاهل اني انزل دمعتي عليه وقامت تغسل ويها ونامــت

-------------------------------

اليــمعه 2:00 الظهر

بوعبدالله : وينهم مانزلو
ام عبدالله : انا ناديتهم الحين نازلين
ليان وريان و في : السلام
بوعبدالله وام عبدالله : وعليكم السلام
البنات قعدو على طاوله الطعام يم بعض
في : وين الباجي انا يوعانه
ليان : نطري الحين ينزلون
فهد : قوه
احمد : مساء الخير
بوعبدالله : وعليكم السلام
فهد واحمد تفشلو : السلاام عليكم
الكل : وعليكم السلام
ام عبدالله : وين الباجي
عبدالله : انا وصلت السلام
الكل وعليكم السلام
فواز توه واصل ": السلام اسف عالتأخير
الكل : وعليكم السلام
بعد 10 دقايق نزلت ريم
ريم ومبين من صوتها توها قايمه : السلام عليكم
الكل : وعلييكم السلام
وراحت بتقعد يم اخوانها بس قاطعها صوت امها
ام عبدالله : يمه قعدي يم ريلج
ريم ويها صار احمر من العصبيه بس الكل توقع من الحيا
ريم : انشالله وراحت قعدت يمه
ريم بصوت واطي مايسمعه غير فواز : اووه زوجي العزيز طلع ممثل
فواز بنفس النبره : شالمطلوب
ريم : ههههه مشالله ومتقن الدور انك مستانس
فواز بصوت عالي : ايي حبيبتي .. عمي نقدر انا وريم نطلع اليوم
ريم انصدمت وبصوت واطي : ومنو قال بطلع معاك
فواز : انتي توه
بوعبدالله : اكيد هذي مرتك ومن حقك
فواز : مشكور عمي
ريم تبتسم وعلى انها مستانسه من داخل بس بينتله العكس : انا اوريك ان ماكرهتك بعيشتك
فواز : ما تقدرين يا حلوه
ريم : اشوفك مو قادر تقاوم جمالي
فواز : هههه اي جمال ؟ الجمال اللي شايفه مليون واحد قبلي اقاومه ياحلوه
ريم مسكت دمعتها وقامت : عن اذنكم
الكل : وين
ريم : شبعت الحمدلله
ام عبدالله : حبيبتي ما كليتي شي
ريم : لا يمه شربت شوربه شبعت وكملت بنبره استهزاء وشوفه فواز تشبع روحي
فواز قام : حبيبتي اذا مو عاجبج الغدا نطلع نتغدا برا
بوعبدالله : قومي بدلي وطلعي مع ريلج و فواز ما اوصيك عليها
فواز يطالعها : ريم بعيوني
ريم " معقوله قررو عني بس وناسه وصعدت تبدل

------------------------

فواز " اففف انا شلون بطلع معاها وانا ادري انه مليون واحد يمكن نشوفه تكون عارفته من قبل


ام عبدالله ": فواز حبيبي تعال اكل لك سلطه على ماتنزل ريم
فواز : لا خالتي ما اشتهي الاكل الا وريم جدامي
فهد يستعبط : يعني تفتح شهيتك
احمد : لا يبه انت غلطان
فهد : لا والله ؟ عظم الله اجرك عيل
احمد يدزه من جتفه : لاتخورها
بوعبدالله بحده : فهد احمد
احمد وفهد : امر
بوعبدالله: تعدلـو
ريان ليان و في : ههههههههههههههههههههههههههههههههه
فهد : شغلكم عندي
احمد : نشوف منو اللي بيضحك بالنهايه
في تتكلم واهي تضحك : هههه اعلـ ههه ى مابخيلك ههههه اركبه
فهد : اوكي نشوف

---------------------------

ريــم " اففف شفيني متوتره ريوم شوي شوي ونزلي وخذت نفس ونزلت

بغرفه الطعام
ريم: السلام
الكل: وعليكم السلام
فواز بعد ما رد السلام لف ويها وتنح
فواز " حلوه وماشفت احد بنص جمالها ما لاحظت هالشي من قبل بس الحين حلالي وجمالها واضح .. بس حرام عليها هالجمال
فواز : يلا حبيبتي مشينا
ريم : يلا مع السلامه
الكل : مع السلامه
فواز مسك ايد ريم
ريم بصوت واطي : لا تقول حبيبتي دام مو من قلبك مابيها
فواز : متعوده تسمعينها من الكل ليش هالمره مو راضيه فيها
ريم : فواز احترم نفسك انا شريفه ومو بنت شوارع مثل ما تفكر
بعد ما وصلو صوب سيارته بطلها الباب وركبت
فواز بعد ما ركب : من طبعي اصكر الباب حق الجنس الناعم اذا ركبو سيارتي يعني لا تستانسين وايد
ريم وبخيبه : ماهمتني هالاشياء واصلا تكون بنظري بايخه لأنها منك
فواز : هههههههههه اوكي ياحلوه
ريم بوناسه بس مابينتها : فواز صج تشوفني حلوه
فواز : ويهمج ؟
ريم : اكيد
فواز : ريم ليش تستخدمين جمالج بهالشي
ريم : افهمني انا والله ماسويت شي اذا مو عشان اهلي عشان ربي وعشان نفسي .. فواز انا اخاف ربي وادري انه هالشي يغضبه ليش اقوم اسويه وليش ارخص نفسي عشان وناسه ناس بعد جم ساعه بتقطني لعلمك انا عزيزه نفس وما ارضاها على روحي ولا تتوقع مني اني ابيع نفسي او اني اخون ثقه اهلي واغضب ربي عشان استانس و اي وناسه وانا اهلي وربي مو راضين علي .. بالعقل
فواز : والكلام والصور يثبتون عكس هالشي
ريم : اي صور .. وبعدين انا ما يهمني صور او اي شي انا وحده عارفه عمري وادري اني ما انزل لهمستوى
فواز " مادري شسوي قلبي يقول شي وعقلي يقول شي ثاني
ريم بجت ماقدرت تتحمل وفواز كان صوب المطعم فوقف بالمواقف ولف عليها : ريم شفيج
ريم تبجي
فواز يرفع راسها : قوليلي شفيج شنو اللي مبجيج
ريم : مافيني شي
فواز بحنان : ريم
ريم : هلا
فواز : قوليلي لاتعورين قلبي شفيج
ريم تصرخ : اعور قلبك وانت ؟ انت ذبحتني وذبحت كل احساس حلو حسيته تجاهك انا ماقمت اشوف جدامي فواز اللي انا حبيته وينه اللي انا شفته بأحلامي وينه وكملت بجي
فواز انصدم ما توقع انها تحبه: حبيبتي
ريم تكمل بصراخ وتصك اذنها : لا تقولها لا تقول حبيبتي مابي اسمعها انت عمرك ما حبيتني انت بس تتلذذ بتجريحي وتحب تشوفني اموت شوي شوي جدامك بس انا اهنيك واصفقلك لأنك وصلت للي تبيه
فواز : ريــ
ريم : اشش لا تقول اسمي حتى مابي اسمع اي شي منك
فواز : ليش شسويت
ريم باستهزاء : هههههههه انت شنو ما سويت ؟ كافي يا فواز انك سلبت مني فرحتي بيوم ملجتي اليوم اللي كل البنات يستانسون فيه ويقعدون يحلمون بالمستقبل وعن حلاوته انا بجيت فيه بدال الدموع دم بجيت لين مليت البجي ذبحتني والله ذبحتني .. ذبحتني بشكك انت شكيت بأخلاقي وبشرفي حسستني اني ما اسوى شي واني بنت شوارع وانا شريفه شتتوقع مني ؟ اخذك بحظني لا يافواز اسمحلي انا ما اقدر اتحمل كل هذاا انت حتى ما عشت ربع اللي انا عشته بحياتي اصلا انا تعودت عالتجريح من الناس ومن ظلمهم لي بس من لما خطبتني وانا اقول انه هذا اللي انا كنت ابيه والحين بيصير لي وبريحني من هالعذاب اللي انا عايشته بس خاب ظني فيك وكل اللي توقعته ما صار

فواز : ريم
ريم حطت صبعها على حلجه : بليز مابي اتكلم ممكن تودينا البحر
فواز هز راسه وحرك السياره
ريــم تغني واهي تمسح دموعها :
تخيل لو قطعت الماي عن الورده وش اللي يصير ..؟!
تخيل عاد واحسبها ياناسي الود بحســابك
اكيد } تموت عطشانه {
ولا يبغى لها تفسير ..!!
تبي تحرمني من ..} نفسك {..
وتطلب مني >> احيــــا بك ..؟!

فواز : هذي لي ؟
ريم : ايي وهذي بعد لــك
وكملت المقطع اللي وراه :

ابــي مــره احس انــك ...
تبادلني } الغــلا وتغـــير {
ابــي مــره تبديــني ...
علــى } نفسك او احبابك {
يمر الوقت وانته >> انــــــت <<
ولا في حالتك تغيــير ..!!

فواز : ريم خلينا نتفاهم بكل شي وبعدها نبدي من يديد شرايج ؟
ريــم :

يَآَ مَآَلْ اََلَعَآَفِيَهَ

لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ

كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

ثانكس ع الطرح

الله يعطيك الف عافيه

ننتظر جديدك بكل شوق

مني ارق التحايا واعذبها

قصة رائعه تستحق القراءة
الله يعطيك العافية

كـــ العادة إبـداع رائـع
وطرح يـسـتـحـق المتـابـعـة
بـــــ إنتظار الجديد القادم


مع التحية والتقدير ..

الله يعطيك العافية على رواية
إحتراماتي لروحك

يعطيـك ـآلـعـآفيـهَ على طرحكُ المميزُ...
دوٌمآ بآنتظاار المزيدُ من جديدكُ القآآدمُ...
لك خاالصُ آحترآميْ

تتميز دائما باطروحاتك
سلمت روحك والانامل
لا عدم ي نقاء
مودتي

آنــتــقــآء ثريـ بآلذآئقـة
سلمتـ ودآمـ رقيـ ذوقكـ
آعجآبيــ وتــقــديـــريـــ