قفلو باب المشاريه ياللي تشرهون

قفلو باب المشاريه ياللي تشرهون
لحد (ن) يشره علينا ولا نشره عليه


من ورا كثر المشاريه ويش انتم تبون
بين بيضان النوايا وبيضان الوجيه


ريحونا واستريحو لعد تجاملون
لي متى والصدق غايب وحنا نحتريه


وانت ياللي تحسب انك على الطيّب تمون
الميانه لا تخليك فـي عـيـنـه سـفـيـه


الليالي درسـتـنا مع اللي يدرسون
لين صرنا عارفين البليد من النبـيـه


وابتلشنا في سواد تحت رمش العيون
ما درينا هو سواد الكحل ولا شبـيـه


عالم مثل البشر يشربون وياكلون
حيرونا نجلب الطـيـب ولا نشتريه


كان شفتونا على الهقوه و منها ودون
ادرو ان الجرح مثر على القلب الـنـزيـه


ان تجملنا مع الناس ما يستاهلون
وان تعذرنا ما يقنعهم العذر الوجيه


استحينا لين شفنا العرب ما يستحون
انجبرنا معهم نسوي اللي ما نـبـيـه

:
الشاعر / سعد بن شفلوت

fateenah معجب بهذا

ياسلااام
مشهورة هالكلمات
اعتقد كل الناس تعرفها

تسلم ايديك ابراهيم على هالذائقة
ودي تقديري

ابراهيم معجب بهذا