الضيقة اللي دايم ..... ابن فطيس

الضيقة اللي دايمٍ تالي عصير
وش حيلتي وأردها لا تجيني

لا طال ظل العود حزة عشى الطير
كنها على سجن الحديد تحديني

يضيق صدري كل ما جات وأسير
ولايخفف سوج رجلي حنيني

لا حولنا مشراف ولا اقدر اطير
يالله قسمة خير لا تبتليني

وعقارب الساعة توقف عن السير
ولاكن في الدوحة سواتي حزيني

والعبره اللي تاصل الحلق وتحير
يا قربها لو قيل لي يا عويني

أمل شوف الناس ورد ومصادير
واللي يقول اشفيك كنه يهجيني

يعني على ما قيل من باب تصوير
(لاحدٍ أبي قربه ولا أحدٍ يبيني)

أروح أدور خط مابه دواوير
وأدور اللي هادها تهتديني

وآخذ مع الهاجوس سجة وتفكير
وأراجع اللي فات بيني وبيني

وأحسب ذنوبي وأدور التكفير
عساي ما قصرت في والديني

وعساي ما قارنت من ينفخ الكير
واللي يحمل المسك جعله قريني

ويطري علي يوم الحشر وأطلب مجير
ما أعطى كتابي في شقيقة يميني

ويطري علي صدقان كثر الدنانير
اللي اتعاديني إلا كثر ديني

وراعي الهروج اللي سوات المناشير
أصد عنه وأدري انه يعنيني

الله حسيبه يوم عرض القواوير
والله حسبي من صواب مكيني

وإلا طرالي واحد كانه اصغير
أم أصغر بيومين ولا سنيني

دريت وش قومي وعينت تفسير
للضيقة اللي من زمن تعتليني

حبه بصدري سالفة سر في بير
وكن الفواد يقول هذا زبيني

أشفق على علمٍ يجي منه من غير
لا يسمع اللي سولفوا به ونيني

يا كثرهم غيرهم ولكن خبر خير
ما غير شوفه في الوجود يهنيني

رايي كذا يا عاشقين الغنادير
ماله على وجه البسيطه وزيني

العام أجيهم من حساب المسايير
واليوم حال عداي وينه وويني

خطاي تعليق الأمل في المدابير
الين راح وشفت حقري بعيني

صبرٍ جميل وخابر إنه مقادير
والله على تخفيف حزني عويني

ذي حالتي لين اتغبا الشمس واصير
معطى سراحي عقب مانا سجيني

واذا امتلى جوف الشجر بالعصافير
طلبت من رب العباد يهديني

يعتقني المذن عقب ضيقة عصير
اللي على سجن الفراق اتحديني

شكرا همس

سلمت يمينك همس الحرف على الطرح الراقي والمميز
تقبلي مروري واعجابي وتقديري ومتابعتي

يَآَ مَآَلْ اَلَعَآَفِيَهَ
لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

بارك الله فيك على هذا الطرح الرائع

لك اجمل التحيات

والشكر والامتنان

عافاك الله وابقاك .وبانتظار جديدك

اختيار رائع
شكرآ لك

شكرا لكل من مر من هنا
لكل من ترك رد و تعليقا واعجاب هنا وهناك
شكرآ لكل كلمة طيبة في الموضوع
والشكر موصول لكل من مر بهدوء ولم
يعلق من القلب شكرا لكم جميعا
لاحرمني المولى تواجدكم الراقي ربي يسعدكم

سلمت يمناك على الطرح
إحتراماتي لروحك