فز الخفوق وقلت يالله عسى خير

فز الخفوق وقلت يالله عسى خير فز الخفوق وقلت يالله عسى خير أثر الليالي عاد غايب قمرها مع شوفته نشوه وفزه وتخدير وعيون خلان تعانق نظرها يفز له قلبي كما فزة الطير والرجل كن اللي تحتها غدرها ياصبح عمري ياصباح التباشير نوره ملا قلبي وروحي غمرها عقب الفراق اللي تعدى المحاذير يبس غصون القلب جافي دهرها ربع بروحي عقب ماهي معاسير سحابة هلت بقلبي مطرها وأسقى بها زرعة هوانا بتقدير غرسة غرام بالمحبه بذرها ياعاذلين العين والله مخاسير واللي درى عن حال عيني عذرها تشوم عيني عن جميع الغنادير ..ناظرت عيني فؤادي نهرها ياناس أحبه والمحبه مقادير ..هذا هوى نفسي وهذا قدرها والحب ماله ياهل الحب تفسير ..قلبين والله بالمحبه أمرها لى جيت أصور حالة الحب تصوير ..وأرد عن حالي لخلي خبرها لقيت وجدي فوق كل التعابير ..كل الشعر قطره وشوقي بحرها

الوردة الحمراء ,لذة المطر معجبون بهذا

الله عليك
اختيار جميل لقصيده أجمل
لا هنتي ي قلبي

همس الحرف معجب بهذا

تسلم الايادي
على الطرح الجميل

سلمت اناملك على قصيده
إحتراماتي لروحك