غلاي ..احبك موت

--------

غلاي ...!!
/
\
فاهم الموضوع ...؟!
انا اشرح لك وش الموضوع ...!!
وربي ....
كثر مافيني الم...
واحتباس دموع ...!!
و رجْف ظلوع
كثر طُهرك ...
كثر عرفانك وشكرك ...
كثر شيطنْتك ومكرك
كثر ما السكّر بـ ثغرك
كثر مافيك من نشوة ... وكثر مافيني من رعشة
كثر ما اقول احبك
اي وحق اللي خلق صبح الهوى بـ شفاك احبك



غلاي ...!!
/
\
كثر مابي ظمى شوق ... تكسّر له شفايف فمي الظميان
وكثر ما انا بعد تعبان ... واحس بشوق
والم مقدر اوصف كيف يتعبني
وقهر مظلوم
ولسعة جوع ... معه حرمان
كثر ما اقول احبك
اي وحق اللي خلق عينك احبك



غلاي ...!!
/
\
كثر مافي عيوني إنتفاضة خوف
وخط احمر ... وصبح ابيض ... وروج شفاهك المجنون
اعرفه ... موف
وسحاب دموع ...
وفي ريقي قهر مزروع
وحنظل في يدي منقوع
وكلامٍ ماقوى يطلع ...
اخاف اقول لك وشهو ... واجيب العيد ...؟!
اخاف انه بعد ممنوع ...؟!
كثر ما اقول انا احبك
اي وحق اللي خلق ثغرك احبك



غلاي ...!!
/
\
وانا مليت ...
وربي مابقى بي دموع
احبك حيل ... وادمنتك
وش فيها إذا قلت انا احبك ...؟!
ايه احبك
احبك موت يادلّوع
ذبحني الشوق
وادماني الوله ... والبُعد
قضى صبري ...
وشمعات الأمل مني شوي ... شوي احس " اتْموع "
على شاني احبك
اي وحق اللي خلق قدك احبك



غلاي ...!!
/
\
وينك ...؟!
وش اخبارك اذا جاء الصيف
احس ان الشتاء يبكي
واحس ان ليل عشقك فيه وصل ... وكيف ...!!
وكاسك كاس
وشرابك فيه شوق ... وغلا ... واحساس
وحلاتك يوم تبكي لي ... وتشكي لي -
وسواليف الهوى بشفاك
ورمشك ... فديته سيف ... وامووووت بلمسة يدينك

وسوادٍ لاح في عينك
واحبك حيل
ترى قلبي نوى المسيار ... على قلبك
يبي ينزل عليكم ضيف
واحبك موت ...
اي وحق اللي خلق خصرك احبك


غلاي ...!!
/
\
اقول لك شي...؟!
وربي ياعليك عيون ... مهيب عيون
تموتني فديتك موت
وخصر مجنون ...!!
يودي لآخر التابوت
وشفايف طعمها سكر ... معه ليمون
وكلك ياغلاتي توت
وشي لو يباع اشريه با المليون ... ومعه مليون
وربي لو اجي مديون ...!!
يا انتي شي ...!!
عسى الله مايعاقبني ...
بعد ماكنت انا العاقل ... غديت بعشقتك مجنون ...؟!!
ومع هذا احبك موووت
ولو اموت من حبك ... انا الممنون
أي والله انا الممنون ... اجل وشلون ...!!
اي وحق اللي خلق خدك احبك

خاطرة مفعمة بالرومانسية وجمال الحرف العذب ..
الف ششكر ع روعة آختيآرك .. والله لا يحرمنآ منك ..

يسسلمووو ع الطرررح المميز
مننحرمش

خاطرة جميلة جدا


بوح المشاعر

شكرا لك على الانتقاء العذب
وربي يسعدك

ع ــناقيد من الجمال,,
تحيط بروعة الحروف..
سلم حسك وبيانكـ,,
دمت بتميز,,

اقتباس : المشاركة الأصلية كتبت بواسطة خيال [ مشاهدة المشاركة ]

خاطرة مفعمة بالرومانسية وجمال الحرف العذب ..
الف ششكر ع روعة آختيآرك .. والله لا يحرمنآ منك ..

خيال
هلا وغلا
نورتي بتواجدك
شكرا لمرورك الجميل
م انحرم الاطلالة الرائعة
تحياتي

اقتباس : المشاركة الأصلية كتبت بواسطة مريم [ مشاهدة المشاركة ] يسسلمووو ع الطرررح المميز
مننحرمش


يسلم عمرك مريم
نورتي بتواجدك
شكرا لمرورك الجميل
م انحرم الاطلالة الرائعة
تحياتي

اقتباس : المشاركة الأصلية كتبت بواسطة قلب العنا [ مشاهدة المشاركة ]
خاطرة جميلة جدا


بوح المشاعر

شكرا لك على الانتقاء العذب
وربي يسعدك





هلا وغلا اخوي
نورت بتواجدك
شكرا لمرورك الجميل
م انحرم الاطلالة الرائعة
تحياتي

اقتباس : المشاركة الأصلية كتبت بواسطة غروب [ مشاهدة المشاركة ] ع ــناقيد من الجمال,,
تحيط بروعة الحروف..
سلم حسك وبيانكـ,,
دمت بتميز,,
يسلم عمرك غروب
نورتي بتواجدك
شكرا لمرورك الجميل
م انحرم الاطلالة الرائعة
تحياتي

بوح المشاعر

يعطيك العآفيه..

طرح بقمة الذوووق والرووعه..

تسلم أيدك ع الطرح المميز لاعدمنـآك ,...

بانتظارجديدك بكل شوق

ودي وشذى الورد..

تحياتي