تبكي واقول : الله يبشرك بالخير

حيل الله اقوى يالجفون المفاتير
رمشك.. عن التجريح ياااما نصحته
والبارحه.. عيّا يطيع المحاذير
حتى جرحتك بالدموع وجرحته
قد قلت له : ما كل دمع ٍمخاسير
ولا كل دمع ٍتربحه لامسحته
بعض العيون إليا بكت.. دمعها غييير
تلمح تباشير المطر لالمحته
الله يحبك.. كان دمعك تباشير
ياللي بدمعك كل حزنك فرحته
تبكي واقول : الله يبشرك بالخير
كنّك تبشرني بذنب ٍدمحته
ما كن عند البحر للملح تبرير
إلاّ انّك أنت اللي بدمعك ملحته
مااقول : زينك يطرح مْن السما الطير
ولااقول : كم طير ٍبزينك طرحته ؟
أقول : ذيييك.. الناعسات المساهير..
أحييت فيها الليل والاّ ذبحته ؟
ياوين أبلقى من شعَرْك المعاذير
لو بمدح عيونك وهو ما مدحته
رغم إنّك اتعبته بكثر المشاوير
لااقبل على وجهك بكفك نطحته..
طاير.. وهو باقي له شوي ويطير
مدري متى.. لكن متى ما نفحته..
شع السما.. كن السحاب المزابير
صُوّان ليل ٍ بالجدايل لفحته
ساعة تكاشف - كنّه فلاش تصوير
برق السحاب.. اللي بشعْرك قدحته
حتى أنت لو ماكنت داري وش ايصير
قلت : السحاب يصوّر الأرض تحته






الشاعر رشيد الدهام

fateenah معجب بهذا

سلمت أناملك على جمال طرحك
الله يعطيك العاافيه
لك جنائن الورد وأصدق الود
ربي مايحرمنا من روعة ابداعك
دام عطائك ياذوق

عبدالرحمن معجب بهذا

سلمت أناملك على هالانتقاء ...
ودي وتقديري

عبدالرحمن معجب بهذا

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم

:
مع التحية والتقدير ..

عبدالرحمن معجب بهذا

عبدالرحمن معجب بهذا

اسعدني تواجدكم كلا باسمه لا هنتم

بارك الله فيك على الموضوع القيم والمميز
وفي انتظار جديدك الأروع والمميز
لك مني أجمل التحيات
وكل التوفيق لك يا رب