كل ماعديت رجم المعالي/يزعلون..

يلي من حكي الناس ( وش فيك مغبون )
البـشر لا ضقت ../ منها تزيد طعونها


ولا تحاول ترضي الناس وتقول وش تبون
غايتن لو ( تجهد النفس ) .. تقصر دونها


و إن جلست فمجلس الزور واللي يكذبون
( لا يغرك كثرت ) الزاد فوق اصحونها


إن جلست فمجلس الزور ( تقفاك الطعون )
وإن حكيت بكلمة ../ الحق مـا يرضونها


خذ كلامي ي (فارس ) وهونها تهون
( كم تجرعت المرارة وذقت اغبونها )


التجارب اشعرتني .. بما لا يشعرون
والمصايب درستني ../ وانا ممنونها


لين صرت اعلم الناس كيف يرتبون
( الجروح و كيف ..الآلام ما يسلونها )


( عيش جرحك و أنت راضي تلذ ذ بالشجون
النفوس احيان ../ تحتاج عمق شجونها )


( الصباح يعلم الناس ) .. كيف يقدرون
ما فضح ستر الليالي ../ ومن يسرونها


والليالي لو فضح سترها ( نور العيون )
كان شفنا عاقل ../ الناس من مجنونها


( آه يا مقسى نجاحي .. ع/ اللي يكرهون
و آه يا محلى بيوتي .. ع/ مفتونها )


اييه يا كثر المشاريه و اللي يشرهون
و ناس لا قلنا قصيده ../ تقوم قرونها


ما علينا دام في الناس ( ناسن يعشقون )
و القصيده قبل ../ لا اقولها يقرونها


ما زعلنا و النهايات ../ للي ياصلون
( خل ناسن من ورانا تسن سنونها )


إن حكيت اعلم ../ الناس ما لا يعلمون
و إن كتبت ألخص القول في مضمونها


و ان بغيت انزه النفس عما يصفون
( الثقة تطغى ) على شكلها و ظنونها


الشيوخ اليا تحاكوا .. / بكلمة ينثنون
كلمة و عجزوا ملايين ( ما يثنونها )


كل ما عديت رجم ../ المعالي يزعلون
( الله يكفاني غثى الناس وشر عيونها )


ولاتحاول ترضي الناس وتقول وش تبون
( غايتن لو تجهد النفس .. تقصر دونها )

سلمت يمينك قطرات على الطرح الراقي والمميز



وصح ذوقك على الاختيار الرائع والقصيده الجزله



تقبلي مروري واعجابي وتقييمي

غايه الروعه

الله يعطيك الف عافيه

ننتظر جديدك بكل شوق

مني ارق التحايا واعذبها

صح ذوووقك يالرائعه
اختيار جميل ورائع
الله يعطيك العافيه يارب
ودي واحترامي لك

دائما متميزه في الانتقاء
سلمت الايادي على روعه طرحك
نترقب المزيد من جديدك الرائع
دمتي ودامت لنا روعه مواضيعك
لكـ خالص احترامي

رووووعةة غلاتي
يسسلموووو ع الابيات الجميييلةة

ماانحرم منكم

صح لسان الشاعر / فهد الشهراني
قصيدة قوية المعاني
جميلة المعنى

.
.

سلمتي سيدة الذائقة العذبة / قطرات الحب
على هذا الجلب .. والقصيدة


مع التحية والتقدير ..

ماانحرم يارب