فينا واحد كان قاسي فينا واحد ماشعر

ماتعلمنا نكون اقسى من أشباه البشرر
لو تعلمنا عرفنا كيف هالدنيا تدور

القلوب الممكنه تنبض حسافات وقهر
والقلوب المستحيله ماتعيش الا تبور

كيف هالعالم يموت ألف مره يابشر
يوم حسد ويوم كره ويوم بغض ويوم زور

كيف مانقدر نسامح من غلط او نعتذر
ليه اكثرنا يجرح في بعضنا بكل سرور

ليه مانحاول نسعى لحل النزاع المنتظر
ليه من اجل المصالح نشتهي حب الظهور

هي حكايتنا حكايه أو حكايتنا قدر
هو قدرنا هو قدرنا أو تعودنا نثور

ليه يسبقنا الحديث مانفكر بالامر
نستمر بكل قسوه وتتأزم الامور

يابني آدم مرير الظلم وأوهامك أمر
اخلص النيه وجمل كلمتك بين الحضور

باكر تغيب الليالي عن ملذات العمر
وانت غارق في ظنونك ماتعديت الشرور

كلنا كنا ملامح ناس من غير الشعر
او شعر يرسم ملامح غير عن كل الحضور

كلنا كنا ضحيه شخص ظالم ماقدر
يصدق بكل المعاني شخص مايملك شعور

ماتعودنا نصارح في سوالفنا ونقر
نعتقد ممكن بأن اللي يصارحنا يجور

فينا واحد كان قاسي.. فينا واحد ماشعر
فينا من خان الماسي وفينا من خان الشعور

فينا من يحلم يطير فوق اغصان الشجر
فينا من يغتال ضحكة طفل بأحلآم الطيور

وفينا من يشهق حنينه بين روحه والنظر
وفينا من يعجز يقول كلمه مابين السطور

فينا من يشعر بقيمه نفس اغناها الفقر
وفينا من يدفن وجوده بين اشلآء القصور

.كم فينا من عرفنا وكم نحتاج لصور
كم حنا مافهمنا وكم حطمنا الغرور

هذا حنا وكل منا مافهم حكم القدر
والنصيب الي يودينا الى درب القبور

بــس لا يمكن نكون اقسى من اشباه البشر
لو شرينا من قساها باكر الدنيا تدور

الله الله
ابدااااع ابداااع
ابحرت بين درر منثورة بجماليات مختلفة
عوااااافي ياااذوووق

ليس بغريب عليك هذا التألق المميز
كعادتك تعزف الحرووف على اوتار الابداع
فيتعمق بنا الإحساس
وياخذنا سريعا
إليك
ادون الإعجآب
برآئعتك
دمت بحفظ الرحمن

الله يااروعه الكلمات وجمال الاحساس
اختيار جميل وانتقاء انيق
دمت ودام حسك الشعري مستريح
اشكر لك هذا الطرح الرائع
مووووودتي

منوريني صمت اجنوب وغرامي واريج
الراقية كونوا بالقرب دوما لاهنتم

يعطيك ربي العافيه على روعة الانتقاء
وسلمت الأنآمـل المتألقه يالذوق
على روعة جلبها وانتقائها الراقي
الله مايحرمنا منك ومن روعة جديدك

حياك خفوق منورة يسعدك ربي

ذائقه رااائعه
سلمت على الاختياار الجميل
يعطيك الف عافيه
بانتظاار الاجمل

يعطيك العآفيه على الطرح الرائع.

. لاحرمنا منك ..آبدآ..ولآمن تميزك..

بآنتظار جديدك المتميز ..

دمت بسعآدهـ.