& ليتـ && قلبكـ & ليــ << اول كتاباتي - الصفحة 3 - منتديات حروف العشق © عالم الأبداع والتميز

09-Jul-2006, 11:45 AM

آآآآآآآآآه يارجولي .....!!!

حراااااام عليك ياليمونه ارجولي تكسرت من الحوسه بالسوق>>>>اندمجت مع القصه...

والحين ياليمونه الأشخاص بدوا يثبتو ببالي ...والجزء 2 من جد حلو....وخصوصاً انه فيها كتبتي ولمحتي عن معاناة التخرج والبهدله...

ويالله ننتظر منك البدايه الفعليه للقصه ...لأنه لسه الحياه ماشيه زي ماهي بالجزء ال2...

سكون الحب....

لاتطولين علينا بالجزء 3....

((انتي مبدعه ))....

تقبلي تقديري لك ياعمري

09-Jul-2006, 01:23 PM

تسلموووووووووون يا غاالين ..:D

والله حماستنيشن هنا وناسه والله انكم عجيبين جمهور ولا احلا ..^^

حبيبتي واختي دموعه

هذي لازم في كل قصه تكون الاحداث عاديه .. وقصة السوق هذي والله مدري ليش جات ببالي << كذابه كانت هذيك الفتره تبي تروح السوق عشان تشتري فساتين لزواج عيال عمها هههههههههه بس ابوها ماوافق عشان كان باقي 3 اسابيع على الاختبارات النهائيه ههههههههههههههههههههههه

خلاص هانت كلاها الثالث والرابع وتعرفوا كل شي
...

اختي ملوووكه النهايه ترى حلوه بس الي بيجي ان شاء الله هو الاحلا ..^^
ماابي احرق القصه خليكم مع االحداث انا بس ابغاكم تحفظوا الشخصيات في البدايه .. خلوا الحماس لوقته ..:D

سي يو كلكم ..^^

09-Jul-2006, 06:14 PM

أختي سكون....

يعطيك العافيه ، زي ما قالوا الأعضاء فعلاً القاريئ يتحمس لمعرفة النهايه، أسلوب جميل وسلس، لكن انا صراحه مليت من السوق في القصه ، انا أصلاً بطبعي ما أحب السوق، بس يمكن البنات انبسطوا على السوق، وإلا الفساتين إللي فوشي ، واللي فستقي ، واللي كان تفته مموج بين الزيت و الكحلي وكان فيها قطع مشكوكه...
((تفته))).... ما علينا المهم التفاصيل هذي ضيعتني شوي...

بس الصراحه حتى الآن القصه مشوقه....

أتمنى لك التوفيق.... أختي سكون

09-Jul-2006, 06:37 PM

09-Jul-2006, 11:09 PM

ههههههههههه ابو غاده اسفه على التفاصيل ... صح كلامك انا عدلت شوي بالاجزاء الي عندي ..

اشكرك اختي اموره على المرور الحلو ..^^ وان شاء الله التكمله تعجبك

...........................

اخواني واخواتي اعضاء منتدى حروف

اسفه بس راح انزل الجزء الثالث بعد كم يوم ... عشان عندي شوي خربطه ..!!
يعني افكار و اجزاء .. ومني حابه اخربها عليكم ..

بس اعذروني...^^

12-Jul-2006, 08:36 AM

*** "" }الجــزء الثالث من القصة { "" ***

رهف كانت تتكلم مع فطوم عن الاختبار وعن فرحتها ان خلاص ما تبقى غير النتيجه فطوم كانت فرحانه لبنات عمها وتدعي لنفسها ولمها .. ومن ضمن سوالفهم ..

رهف : سمعتي بنروح بيت عمي راشد ( ابو نواف ) بكره ان شاء الله ..

فطوم : اي تو تقولي امي.. الا اقولك أي مشغل بنروح ...؟

رهف : والله تعرفي علشان .ندى و عنود وريوف فساتينهم في (.....)لازم نروح معاهم هناك
فطوم :امممممم بس ..... عادي مكياجهم

رهف :والله مدري ... انتي عندك مشغل ثاني ...؟

فطوم : سمعت البنات اليوم يقولون ان (.....)حلو .. وفي محل ثاني بس موب متذكره الاسم زين

رهف : اي سمعت ان (.....) حلو

فطوم : خلاص باحاول اقنع امي نروح اول على (.........) ناخذ القطع .. وبعدها على (....) شرايك ..؟

رهف : اشوف اهلي وادق لك ... وبعدها لمن نوصل بيت عمي نقول للبنات ...

فطوم : اي خلاص ..

رهف: يلاا سي يو تمورو

فطوم : ان شاء الله

وسكرت من بنت عمها رهف اقنعت امها الي اتصلت على بيت ابو نواف وقالت لام نواف الي مااعترضت ... ومن الجهه الثانيه فطوم قالت لامها الي وافقت لان هي مع بنات عمها

في بيت ابو نواف لمى توها واصله كانت متاخره في المدرسه لان كل البنات هناك
وبعد مارجعت البيت

لمى : ياااااااااااااااااا اهل الداااااااااااااااااااااااار انااااااا الانسه لمى بنت رااااااااشد
اعلن تخرجييييييي من المدرسه واخيييييييييرا ( وراحت تركض على امها الي كانت تناظرها وهي تضحك عل خبال بنتها )

ام نواف : ههههههههههه الله يهديك يابنتي ......... ومبروك التخرج

لمى : ( راحت حبة راس امها وقعدت جنبها ) الله يبارك فيك يما ... كيفك يما ...؟

ام نواف: بخير دامك بخير ...... هاه يابنتي بشريني شلون الاختبار؟؟

لمى : حلو الحمد لله

ام نواف: وليش تاخرتي المفروض تكوني هنا من 1 ونص .... والحين الساعه 2
اختك رجعت ونامت وانتي لا

لمى: ههههههه كنت مع صديقاتي نودع بعض

دخل عليهم خالد الي ماكان عنده جامعه وقتها

خالد : السلاام عليكم ( وراح حب راس امه )

ام نواف + لمى : وعليكم السلاام

خالد: هلا والله بالخريجه .....ههههههههه هاه كيف الاختبار..؟؟

لمى : هلا فيك ..... الحمد لله ....غريبه الاخ خالد صاحي حاليا .. كل هذا علشان تباركلي

خالد بغرور : هههههههههه تعرفين تنكتين والله .... قايم لاني جايع وابي اكل

ام نواف : ههههههه تو الناس بعد نص ساعه بيجي ابوك

خالد : ( وهو ماسك بطنه ) الله نص ساعه .......لا يما مقدر

ام نواف : خلاص قل لشغاله تجيبلك شي تاكله

لمى : لا يما انا بساويله اكل

خالد : والله ماابي اتعبك ... ولا اتعب بطني بالتسمم الي بيجيني من طباخك

لمى : هاها ها ياسخفك .. هذا جزاتي لاني باتعب عمري عشانك

ام نواف : عيب ياخالد تقول كذا لاختك هذا جزاتها

خالد : ( تفشل من امه ) ...... خلاص طيب وصبيلي معاك عصير برتقال

لمى قامت على غرفتها تبدل ثيابها ونزلت تحضر غداء خفيف يسكت شوي جوع اخوها

لمى موب مره شاطره في الطبخ وقالت في نفسها( لازم اتعلم لو شوي
الي اعرفه اني اشيل و احط و اساوي اشياء خفيفه....اصلا حدك بيض وزين اذا ضبط ههههه .. يلا عاد انتي الثانيه موب لذي الدرجه .. الحين تشوفي ..)
لمى : ( وهي تساوي الاكل لاخوها كانت تكلم نفسها .. وبعدها ابتسمت على غبائها في احد يكلم نفسه ..؟؟ سكتت شوي وقامت تغني اغنية عبد المجيد لمى : اهتم فيني . اهتم وحط بالك عليا . سكني بروحك وعينك وقلبك ..
حافظ على اهل القلوب الوفيا مو كل يوم تلاقي واحد يحبك ( وكانت منسجمه مع الاغنيه )

خالد : (دخل المطبخ يطالع اخته الي بعالم غير عالمهم مع الاغنيه ) ... هههههه حركتااات ياسوبر ستار هههههههههه تدري لا لازم اقول لابوي يدخلك هناك

لمى انفجعت من اخوها وكبت شوي من الاكل: .وجع استانست الحين يوم خرعتي ...... ثقيل دم

خالد : ههههههههههههههههه والله اسف ماكنت اقصد

لمى : شاطر والله شستفدت الحين خلاص الاكل وانكب منه ( وراحت تجيب صحن وحطت الاكل لاخوها فوق الطاوله الخارجيه ( طاولة الطعام ) يلاا اجلس وكل الاكل كله وقولي رايك

خالد يبي يرفعلها ضغطها: انا مجنون ....... شحطيتي قولي

لمى : وشو شحطيتي الاكل قدامك يلاا .... ولا انا اساويه وانت تتفرج بس.؟

خالد : والله لو صارلي شي يا ويلك .....

لمى : ههههههههه لا ... شقالولك ما عرف اطبخ

خالد يناظرها من فوق لتحت : ابد سلاامتك( وهو يتريق ) ... ألي يشوفك واثقه يوقول الشيف رمزي هههههههه

لمى : اقول تبي تاكل ولا اخذ الاكل احطه بالثلاجه ..؟

خالد : لا يا بنت الحلال بذوق طباخ اختي

خالد سم بسم الله وذاق اول مره وفتح عيونه لن لمى ما تعرف بس يوم طالعها
وهي تشوفه و تبي تعرف ايش صار معاه

لمى : هاه بشر كيف .....؟

خالد قام يكح: ... احم .. انتي وش حاطتلي ..؟؟

لمى انفجعت : .. وشو بعد رز و دجاجه مسلوقه ..؟؟

خالد : ادري انه رز ودجاج .. بس وشو البهارات الي حاطتها

لمى : ملح .. ليش ..؟؟

خالد : خذي ذوقي

لمى اكلت اول لقمه و بغت تشرق : .. كح .. كح .. وشو هذا

خالد : وانا وش دراني ...؟؟ طعمه كانه

قاطعته لمى : كانه سكر

خالد: والنعم والله بدال الملح حاطتلي سكر انا قايل ماابي اتسمم ..
(طبعا مات من الضحك على اخته )

لمى تفشلت اخذت الصحن و حطته في المطبخ وطلعت غرفتها .. وخالد للحين يضحك.ويقول (هذي لو زوجناها بنسمع خبر تسمم شاب سعودي و اصابته بالفلونزه الطيور هههههه.ضحك خالد على اخته وهز راسه ومشا على غرفته...)

.................................................. ............

في بيت (ابو عبدالله)

ريوف كانت في غرفتها صحت من النوم وقعدت قدامها من زمان عنها
ريوف : والله اني اشتقتلك ( ريوف كانت تكلم فرشتها ولوحاتها الي كانت بجزء منفرد بغرفتها ريوف تحب الرسم وهذي كانت هوايتها من هي صغيره قعدت ريوف ترسم الين مادخلت عليها اختها )
رهف: ريوف .... صحيتي

ريوف : اي توني صاحيه ...

رهف : شقاعده تساوي ...؟؟

ريوف : ارسم من زمان ما رسمت

رهف : اي والله من بدا الترم الثاني وانتي في هذي الكتب ..

ريوف : هههههههه الي يسمعك يقول بس انا يعني انتي موب مثلي

رهف : خخخخخخ اي والله حتى انا من زمان ما اشتغلت على اللاب توب

رهف : ريوف باقولك شي بس لا تقولين لاحد لاني للحين موب متاكده منه

ريوف التفت لاختها : قولي رهف اسمعك

رهف : تدرين .... احس ان فيصل يحب .

ريوف فتحت عيونها : وشو.. ومين ..؟

رهف : وشو الي وشو..... هو يحب وحده قريبه وموب بعيده

ريوف: يعني تبين تقنعيني ان هو يحب وحده و يبها على سنة الله ورسوله وهي تقربلنا ؟

رهف : للحين مني متاكد بس اتوقع لانه احتمال كبير اي

ريوف: وتعرفين من هي ..؟

رهف: اعتقد اي

ريوف: مين ..؟

رهف: لا منيب قايله الا لو صار ان شاء الله

ريوف: يلاا عاد قولي

رهف : لا لا .... ( كانت تبي تغير الموضوع ) ها وشو ترسمين

ريوف : ( عرفت ان اختها تبي تضيع السالفه وقالت خلاص على راحتها ) ارسم
بنت في وصت ظلام وحولها نور .. ( الرسمه هذي كانت دايم يجي طيفها على ريوف
ايام الاختبارت بس ما عرف ليش هي ترسمها ...)

رهف : يمه يا ريوف مدري ليش اتضايق من ذي الرسمه ..!!

ريوف : مدري بس كنت دايم اتخيلها من ايام الاختبارات

رهف : ( حست بضيق من هذي الرسمه و سكتت محد يعرف وش الي مكتوب له في المستقبل )

ريوف كانت ترسم وفي عالمها .. حتى ان رهف زهقت وقامت تشتغل على جهازها وفي تصاميمها

مر هذا اليوم عليهم بسرعه .... وكل البنات كانو مستانسين لان الاختبارات انتهت << ما ينلامون

(في بيت ابو نواف)

بعد صلاة العصر ..كل العوائل تجمعوا عندهم

والبنات كالهم مستانسين من هذي الجمعة ... في صالة الحريم

ام نواف +ام عبد الله + ام سعود + ام طلال : كلهم كانوا مستانسات على هذي الجمعة
لان هم من بدت السنة وكل وحدة مشغوله ببنتها الي بتوجيهي والمذاكرة

ام نواف : يا حي الله من جانا ..

ام طلال: تسلمين والله

ام عبد الله : يا الله من زمان عن هذي الجمعة الحلوه

ام سعود: اي والله انك صادقه

ام نواف : ...تدرون عاد اختبارات البنات ...ومشاغل الدراسه الي ما تنتهي

ام طلال : اي والله ما تنتهي

وقعدن الحريم يتكلمن و المزينه بدت تشوف شغلها ...

اما في الجهه الثانيه البنات راحوا مع نواف و شيخه الي اصروا على البنات انهم ما يركبن مع السايق ... واخذوا السياره الفان الكبيره علشان تكفي البنات ... وصلو البنات على المشغل
بعد مااخذت كل من ندى و عنود فستانها من(...).. نزلوا البنات نواف قال لشيخه ان اول يخلصون تدق عليه .. وشيخه قالت طيب.. راح نواف على بيتهم .. ودخل صالة وسلم على
ابوه و عمانه و اولاد عمانه وجلسوا يتكلموا...

اما عند البنات عنود تكلم بنات عمها : اقول هذي هي الكتولوجات وش بتختارون ؟

فطوم: (كانت تقلب في الكتلوج ولقت تسريحه تلبق عليها وعلى فستانها الناعم والفخم ... وكانت تكلم مها الي جنبها) شرايك في هذي ...؟

مها : اي والله حلوه .... تدري انا ابي بس اسشوره شعري و ساوي تسريحه بسيطه من فوق شرايك ...؟ (مها ماحبت تساوي شي لان الفستان وشكلها النعوم طالع أحلى من غير شي كثير و مكياجها الرمادي على الموف الفاتح طالع ملاكي يجنن)

فطوم : اي حلو ..... ( فطوم اختارت تسريحه على جنب والشعر كلو يكون (مموج)وتحط على الجنب ورده صغيره لونها تفاحي .... و مكياجها كان مررره بناتي وحلو ..كله مع الفستان طالع حلو كانها ملكه صغنونه )

( مها و فطوم بنفس العمر ومن صغرهم وهم عكس الشخصيات بس اقرب بنت لمها هي فطوم والعكس مع الرغم من ان مها شيطانه و فطوم هااااديه تقريبا بس كانوا قريبات من بعض )

اما لمى ورهف وريوف الي خبلوا المزينه بتسريحاتهم الغريبه على قولت البنانيه

بس لمى ساوت تسريحه حلوه..سشورت شعردها الطويل الي يوصل الى نص الفخذ
كانت التسريحه شوي عاليه بس لمى ما رضت فغيرت التسريحه وخلت نص الشعر
مجموع والنص الثاني مفكوك ...... علشان كذا كان شكل الفستان عليها خطيييير
وحلو .....

اما رهف الي فستانها كان اسود ملكي والظهر باين علشان كذا خيطتلها شال
... حتى امها لمن شافته قالت لازم من الشال ...... طلبت رهف من
المزينه تصلحلها تسريحه مثل ( ايليسا) الي كانت مرفوعه من قدام بطريقه حلوه حتى ان شعرها
الأسود والطويل بس طلعت من جد حلوه ...
و المكياج البني الغامق مع الاسود شوي والفستان مبين شكلها جذاااااااب ( الي ساوت لـ رهف مكياجها كانت تبي تبين لون عيونها الاسود الحلو )

اما ريوف علشان هي ماتحب الشعر الطويل مره فكان شعرها لنص الظهر وهي الوحديه الي شعرها لونه بني فاتح شوي ... علشان كذا طلبت من المزينه تسريحه مثل تسريحة نانسي الي في ( لون عيونك ) وفستانها الي كان مدموجه في الالوان ساوته ساده جدا بس من ورى الرقبه كان حبلين يربطون الفستان ... ونازله من الحبل قطعه فضيه تنزل على نهاية الظهر وكانت مرصعه بشوي من الماس حلوه اختارتها ريوف من قبل .. صح ان الظهر كان شوي طالع بس التسريحه كانت كافيه انها تغطي اغلبه و مكياجها الموف و الزهري الي اندمج بطريقه حلووه مع اللمعه
الي بعيونها طالعه جنااااااااااان ...

اما عنود الي تحب الفساتين الطويله .. كان فستانها صح عاري من فوق ساوتله سديري وفي من النص دائره مرصعه بالماس .. الممكيجه صلحت لــ عنود
مكياج عنابي وفي شوي ذهبي ... على عيونها الحلوه الي الكل شهد ان المكياج كان حلو....
تسرحتها كانت حلوه ونعومه عليها كان اغلب شعرها مجموع وغرتها نازله .
....شيخه( زوجة نواف) كانت مشتريه ثوب مغربي على درجات الموف كلها وكانت فاكه نص شعرها وجامعه الباقي بتسريحه خفيفة وطالعه حلوووه ..

شيخه أخذت ندى و عنود و لمى وريوف وراحت مع نواف لان قالها ان السياره ما تشيل البنات كلهم فلازم يطلعون على دفعتين و الدفعه الثانيه تكون مع فيصل الي كان جالس معاه لمن شيخه كانت تكلمه وقتها فيصل قاله ان هو الي يجيب الباقي بس ما كان يدري ان فطوم منهم ....

في المشغل بعد ماراحوا البنات مع شيخه رهف : يا الله يا فطوم جالسين ومخلصي بس علشانك يلاا اخلصي

فطوم : والله راسي انحرق وهذي ما تبي تفكني

مها : ههههههههههه لازم تقعدي ساعتين مثل ما قالت عشان يضبط

فطوم : اي يضبط بس موب انه ينحرق

رهف : هههههههههه الله يرجك يا فطومه

المزينه أخذت فطوم وخلصت منها وطلعت للممكيجه وهم خلصت منها طلعت فطوم
صغيرونه و نااااااااعمه لابعد حد و مكياجها الحلو مع شعرها والفستان خلو رهف + مها بعد ماخلصت فطوم : wo0o0o0o0o0o0o0o0ow

فطوم (حمر وجهها وابتسمت ابتسامه خياليه ): هههههه يلاا عاد

رهف : هههههه استحت يحليلك يا فطيم

وبعد ماخلصت فطوم دقت رهف على شيخه بس شيخه قالتلها : رهوف نواف موب موجود دقي على فيصل يجي ياخذكم ..
رهف : اممممم ..... طيب

دقت رهف على فيصل الي قالها : هلا رهوف ...

رهف : هلا والله...انت وين ..؟

فيصل : الحين صرت برى يلاا اطلعي
يا ترى وش بيكون ردة فعل فيصل اذا عرف ان وحده من بنات عمه موجوده..؟
ووش بيصير في السيارهـ ..؟؟
رهف هل الي ببالها صح ولا ..!!

12-Jul-2006, 08:49 PM

13-Jul-2006, 01:34 AM

يابعدي والله
يسلمكر بي اختي الوسمه على التواجد الحلووو ...^^

14-Jul-2006, 05:08 AM

الله روعة روعة روعة
بتعب وانا اقول روعة
مشكووورة يالغالية
بصـــــــــراحة ننتظر بقية القصة بفارق الصبر
يالله لاتبخلي علينا

والله يخليك انشاء الله

14-Jul-2006, 07:40 AM

تسلمين اختي نار الاشواق على التواجد

والاروع حضوووووورك خيتو ..^^ :)