سمعت الصوت

سمعت الصوت في لحظه ينادي
وشفت الظل من بعد ونصيته
لقيته واحدٍ طالب ودادي
يبي قربي وانا قربه بغيته

وضعته بالحشا داخل فؤادي
طلبني ماء وبدموعي سقيته
تعاهدنا على الود بوكادي
وبكاني من الغلا وانا بكيته
وزاد الحب في قلبه وزادي
يقول الله عطاني اللي رجيته

وفجأه ابتعد ينوي عنادي
نوا بي شيء والله مانويته

سألته وش بلى قلبك معادي
صحيح الحب بخيانه جزيته
وقفى وابتعد وسط العبادي
يقول الحب يكفي ماخذيته
وصفته بصوت يسمعها البعادي
وقلت الحب قبلك محتريته
وصار الكون في عيوني سوادي
ياليت الغدر من غيره لقيته



كلمات: الحيران

همس الحرف ,فخامة أنثى ,جبرني الوقت ,خيال معجبون بهذا

صح نبضك ي سجين ع اختيارك المؤثر

وربي يبعد عننا الغدر والفراق .. / ~

اقتباس:

المشاركة الأصلية كتبت بواسطة خيال

صح نبضك ي سجين ع اختيارك المؤثر

وربي يبعد عننا الغدر والفراق .. / ~

اللهم امين
وهذا حال العاشقين
فيها الدموع .. فيها الفرح ..
فيها اللي ذاب .. واللي انجرح
يسلمك ربي يالغلا
على حضورك
تحياتي لك

خيال معجب بهذا

ابيات جميله
يدوم الاحساس والنبض
مودتي

سجين الحرية سلمت على هذا الجلب الفاخر للقصيد

سلمت اناملك على قصيده
إحتراماتي لروحك

:
قصيده جميلة الكلمات والمعنى
صح لسان شاعرها
ويعطيك العافيه وتسلم يمناك ع النقل
كلمات الثناء لا توفيك حقك شكراً لك على عطائك

يسلمكم ربي يالغالين
على حضوركم
والله لا يحرمني منكم
تحياتي لكم

خيال معجب بهذا