اي والله اهوجس ولاني بمرتاح
والحزن في حوش الحنايا بفاروع
امسيت من وصل المواليف مزاح
واصبحت من فرقى المواليف مفجوع
البارحه في غبه الوصل سباح
واليوم من عرش المواصيل مخلوع
يا صاحبي صرح الهوى والوفى طاح
والقلب كنه من عراويه مقشووع
كان احسب ان لحبنا عشره ارواح
الين شفت الحبل بيديه مقطوع
العام خلي يسمع القلب لا صاح
واليوم مهما صاح ماهو بمسموع
يوم العهد به حده اسبوع لا راح
اسبووع ويعود علي شووق ودموع
واليوم خمس سنين والهم مازاح
هم الفراق اللي بلا عذر مشروع
استغفر الله تسعه شهور يا صاح
في غيبته قمت احسب اليوم باسبوع
ضاع الحساب وشفت برق الجفا لاح
وايست لولا ان الرجا فيّ مزروع
وحالي نحل والحال ماهوب منساح
من كثر م اضما للمواصيل واجوع
بليت بي من دونه سيوف ورماح
وغدا علي وصله مثل حبه الكوع
له مني ان سره على الناس ماباح
لي منه ان الصد غصب بلا طوع

روح الورد معجب بهذا

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ