الصاحب اللي له معزه وله شان...

من طبعي ارد الاساءه بالاحسان
واساير ظـــــــروف الزمان اللعينه

واعدي الغلطه من فلان وفـــــلان
يعني من اجل عين تــــــكرم مدينه

الكامل الله والخطاء طبع الانسان
والدرب يفرق عن يساره يمــــــينه

والصاحب اللي له معزه وله شان
وان جاني بشينه تذكــــــــرت زينه

اتحمل اخطاءه معي قـــدر الامكان
ومن جانبي تبقى الـــــــعلاقه متينه

واللي يغالطني وماني بغلـــــــــطان
اصابعي احطها وســـــــــــــط عينه

مادامني مسلم وفي قلبي ايــــــــمان
عمر البحر ما شال هم السفيــــــــنه

مرت علي انواع واشكال والـــوان
بين العقول الناقصه والـــــــــرزينه

يعني اذا حاجتك بيدين عــــدوان
يكفيك شر المهزله والغبيــــــــــــنه

من كثر ماجاني من الناس خذلان
تحرجني حتى كلمة الله يعــــــــينه

صحيح لي ربع وجماعه وخــــــــلان
واضيق لكن حاجة الناس شــينه

الشخص دام انه بكل شي خسران
تأكد انه من عـــــــمايل يديــــنه

لو الشعر مخلوق في هيئة انســان
لأقول تســــــلم ثم اقبل جـــبينه

fateenah معجب بهذا

تسلم ايديك على هالذائقة ..
ودي وتقديري

عووافي ع الايراد والابيات الرائعه وجلبةة ابدعت ولك رياحين ال

أنتقاء جميل
أبدعت في الاختيار

تسلم الايادي