لا انا اتبع المقفي ولا احب فرقاك

،،

هذا انا يوم اخلف الوقت ظني
الحزن حزني والسوايا سواياك

بكيت وابكيت العيون وبكني
تعال شفني كل ماحان ذكراك

كم واحد جاني بعدك وسالني
شخبار من حبيت واقفى وخلاك

واصد والحزن الخفي ممتحني
وان قلت منهو ؟ قيل ماهوب يخفاك

قيل العوض قلت العوض ما شحني
والله لاهذا ولا ذا ولا ذاك

ياما بعضهم مرني ما فتني
ياجعل ماهم بالعوض في محياك

الله لا يجبر عزا من عذلني
ماجاه ما جاني ولا جاه ما جاك

واللي عذل ويقول لو ولو اني
جعل يعشق له واحد كنه اياك

ما فيه شي في حياتي غبني
الا نهار اقفيت وانا اسمع ابكاك

الله من جرح قديم مكني
امداك نزفه لكن ادواه ما امداك

علي كم جار الزمان وطعني
اسمع صدى صوت المعاليق تنخاك

وين انت ياللي كل ماغبت كني
واقف على باب الامل واتحراك

ليتك تعرف تخون واقول خني
على الاقل القى سبب واتناساك

وليت الزمن فـي محبتك ماخذلني
وليت الهجر من طيب خاطرك ورضاك

لو ان قربك والوصل بالتمني
ماغبت عن عيني كثر ما اتمناك

خايف يطول البعد وتسج مني
وياخذ مكاني شخص ماهوب يسواك

وش عاد اسوي يومك اقفيت عني؟
لا انا اتبع المقفي ولا احب فرقاك


راقت لي فنقلتها لكم

روح الورد ,متفرّدة ,المعتفس ,فخامة أنثى ,ابراهيم و 2 آخرون معجبون بهذا

لذه غرام ,همس الحرف

قصيده جميله ومعبره
صح لسان قائلها وسلمت يمين ناقلتها
دام عطائك مسك ولا حرمنا جديدك

مسگ معجب بهذا

راقت لناا
يامسك يسلم ذوقك على الاختيار

مسگ معجب بهذا

.. ..

:

:

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم

.

.

مع التحية والتقدير ..

:

.. ..

مسگ معجب بهذا

مسك سلمتي على هذا الجلب الفاخر للقصيد

مسگ معجب بهذا

موجع جدا هذا البيت

ما فيه شي في حياتي غبني
الا نهار اقفيت وانا اسمع ابكاك

والبيت الأخير لايقل إيلاما عن السابق

قصيدة جميلة بقدر مابها من أوجاع

سلمت لنا ذائقتك
وشكرا لك

متفرّدة ,مسگ معجبون بهذا

يعطيك العافيـه ي رب
وب إنتظار المزيد من هذا الفيض
لقلبك السعاده والفـرح ..

طرح مميز
سلمت يمينك
وسأبقى في انتظار جديدك بشوق
تحيتي

سلمت اناملك على قصيده
إحتراماتي لروحك