يا وطنا دام عزك شامخ والدين سيرة

ياوطنا دام عزك شامخ والدين سيرة
مارضينا غير ارضك نسكن ونعشق ثراها

انتمي لك والفخر لي شخص وارضه جزيرة
من يلوم اللي يحبك ام وتغلي ضناها

يالسعودي بس اسمك لا لمع في كل ديرة
والله انه تاج اكبر من على هامة سناها

شعب ودستور وأمه ترتوي من فيض خيره
لا عدمنا من حكمنا ولا نسينا من بناها

من شمالك لي جنوبك كل شبر فيه غيره
حاسدك ربي يعينه مادرى انه ما نساها

يحتمي بك رغم غيضه اه ياشين البصيره
وين ماترحل عيونه يرجع ويذكر سماها

كل حرف لا كتبته غير اسمك استشيره
وين يا كلي تمهل ارفق ولملم حلاها

ايه احبك يا بلادي دون شك ودون حيره
كل عرق لا نشدته قال ينبض من غلاها

يا فديتك بالمشاعر والا روحي لك ذخيره
ما تردينا من اول كيف لاجت في سواها

يحفظك رب كريم من صودايف عسيره
يا منار الحق للي ضاعت حقوقه لقاها

دام مليكنا يقودك سيري دروبك يسيره
والمواطن في يمينه خط ما نبغى سواها

ايه احبك يا بلادي دون شك ودون حيره
كل عرق لا نشدته قال ينبض من غلاها

يا فديتك بالمشاعر والا روحي لك ذخيره
ما تردينا من اول كيف لاجت في سواها

م / ن

لحن ❀ ,خيال ,بعيد الهقآوي ,اللحن الشجي ,بندر السديري معجبون بهذا

يستاهل الوطن
"
صح الساان شاعرهاا
وصح ذووقك
تحيااتي

خيال ,لهفة شوق معجبون بهذا

روعه يا لهفة الشوق

سلمت يمينك وعاد عيدك ياوطن

لهفة شوق معجب بهذا

طررح مميز
تسلمي ويسلم جلبك الرااائع

لهفة شوق معجب بهذا

ودام هالوطن
وعاد عيده
تسلمين لهفة شوق

لهفة شوق معجب بهذا

قصيدة جميلة ..
الف شكر ي لهفة ع روعة طرحك المتميز .. وكل عام والمملكة بخير وربي يحفظكم قيادةً وحكومة ًوشعباً ويديم علينا وعليكم نعمة الامن والأمان والاستقرار ..
م ..
بالتوفيق لك ي لهفة ..

لهفة شوق معجب بهذا

تمت الإضآفة والتقييم 300 م + 300 ت والختم ..
.
.
.

‏_












‏سلمت الأكُف .. وسلِم لنا هذا الانتقاء المميز
اسعدك الله , ولك الشكر أبدًا وَ مددًا ..
‏كل الــود و التقدير لشخصّك