الا يا نسمة الفجر الندي احتاج لك فجري

انا من هو انا تسأل وانا المسؤول ما ادري

............... انا مثلك مضيعني ولا ادري وين بلقاني


نثرت ايام عمري للضياع وضيّعت عمري

.............. وما زلت انتظر يوم من الايام ما جاني


اذا تبغى تعرف اسرارها دوّر على شعري

.................. وحاول لاقريته كود تقدر فيه تقراني


وعلمني انا مثلك ترى محتار في امري

.............. وعطني للحقيقة وش لقيت بخط فنجاني


تأكد كيف ما جات النتيجه يتسع صدري

............ انا ما ابحث عن الترتيب لا اول ولا ثاني


انا همي فقط ان القصيدة لالفت بدري

............... توقف تنتظرني او بالاحرى ما تعداني


اسلمها شغاف الروح حتى بالغلا تدري

............. ترتب لي حروفي بعد ما تعبث باشجاني


ابي لامن ضوى ليل الشعر ناديتها نسري

........... ونسري سرية كلما رجعت اقول ماامداني


ابيها تستثير الليل ويطري فيه ما يطري

.................. ابي ليل ايلا همته الى ليلاي وداني


ابيها تاخذ اشواق خذت للصبر من صبري

............... توصلها الى من سكـّن الغربه باوطاني


الا يا نسمة الفجر الندي احتاج لك فجري

............... ما عاد طيوره تغرد وكل ضيع الثاني


صباحي ضاع في ليله ولا عاده على خبري

.............. تلخبط كل شي في غيابك ضاع عنواني


من اول حد في قلبي الى آخر حد في فكري

........... سكنتي في مساحة اسمها بالضبط وجداني


الا يابسمة الدنيا وزهر الروح يا عطري

........... ما عاد الزهر من بعدك يفوح الا باحزاني


احبك رغم كونك تستلذين بصدى هجري

.......... عرفتي وش غلاك وقلتي اقدر كان تنساني


الى منهو سألني من انا للحين ما تدري

............. انا من ضيعه انسان بشكل غير انساني

للشاعر الطيب
فهد بن محمد المطبري

الله يذكره بالخير ويشفيه
ويطمنا عليه

شاهين ,لمس الروح ,مشراق ,رعد الجنوب ,الملكة الأبدية و 1 آخرون معجبون بهذا

ملك الأحساس

سلمت يداك
علي روائع طرحك و حسن ذائقتك
يعطيك ربى الف عافيه
بانتظار جديدك بكل شوق

*حنيين..! معجب بهذا

قصيده. رائعه وانتقى. راىع. ومميز

لك. شكري،،وتقديري

*حنيين..! معجب بهذا

وربي قصيدة تتغلغل جوة الروح وتعور القلب

شفا الله الشاعر القدير/ فهد بن محمد المطيري وألبسه ثوب الصحة والعافيه

حنين ذوقك فاخر وخورافي بالقصيد
سلمتي على هذا الجلب الفاخر للقصيد

اقتباس:

المشاركة الأصلية كتبت بواسطة رماد انسان

سلمت يداك
علي روائع طرحك و حسن ذائقتك
يعطيك ربى الف عافيه
بانتظار جديدك بكل شوق

اهلا رماد انسان
حُييت ياطيب
ويعافيك رب الكون..!

شاعر متمكن ماشاء الله
سلمت يمناك حنين على هالذائقه الفريدة
تحياتي

جميل ذوقك حنين
ابيات في قمه الروعه
كل الود لكِ

اقتباس:

المشاركة الأصلية كتبت بواسطة رماد انسان

سلمت يداك
علي روائع طرحك و حسن ذائقتك
يعطيك ربى الف عافيه
بانتظار جديدك بكل شوق

ويعافيك ربي رماد
حُييت وجدا..!

اقتباس:

المشاركة الأصلية كتبت بواسطة ملك الأحساس

قصيده. رائعه وانتقى. راىع. ومميز

لك. شكري،،وتقديري

ولك الف شكر لحضورك وقراءتك ملك

تُسَلِّمُ الأيادي الذهبيه
عَلَى الطَّرْحِ الرآئع وَالْمُمَيَّزَ
تَحِيَّةَ عِطْرَةٍ لِرَوَّحَكَ النَّقِيَّةُ
دَمَّتْ بِحِفْظِ اللهِ ورعآيته