أهدي بيت شعر لمن تحب / متجدد

انا شوقي بعيني يصبّح يمسيني ولوك هنيّا
من الناس تكفيني على راسي وعيني وتامر عليّا

ملكة التأمل ,عُـــزووف معجبون بهذا

/


القلب واحد والمخاليق عده
‏ولا هز قلبي بالهوا غير واحد
‏.
‏أنت الوحيد اللي خفوقي تشده
‏وغيرك أجامل حضرته لا تواجد

عالمي من لحظة غيـابك ظـلام
‏لا شُعُـور .. ولا حيـاة .. ولا بشـر

بندر السديري معجب بهذا

ابيك كثر اهل الهوى ما يودون
وقلبي لك شوقه وتملك زمانه
فيني لشخصك فوق ما هم يحبون
و اشوف لك بالروح أغلى مكانه
لو اجمعوا من العواشق مليون
ما وصلوا عشقك بقلبي أمانه

انتي مثل العطر لافاح في يوم عيد
‏مايطيب اللقـا من غير ريح العطر

‏اشهد انك غناة الروح واكبر رصيد
‏مثل هـلّ المزون ومثـل ريـح المطر

‏كل ماجيت أعبر عن غلاك بقصيد
‏ما يوفيـك بيت ولا يوصفـك شـعر

يقين معجب بهذا

حي الله اللي مجيّه يشرح الخاطر
اللي حديثه قراح وشوفته سلوى

ليت الخيــال بعودته لي جــابك

ولّا حملني مـــن مكــاني لـــدارك

يبقى علي اضغط على زر بابك

واكون اسعد من عنــالك وزارك

رغم اني اشوفك قهرني غيابك

الظاهــر ماوافق قــراري قــرارك
قلمي

fateenah معجب بهذا

احبك كثر ما زاد الحبر من قيمة الاوراق
كثر ما هالبشر تفهم كلامي .. تجهل سكوتي

واحبك كثر ما فيّ هالبسيطة من حكي عشاق
توديـه الرسايل .. و الرسايل شربي و قوتي

واحبك كثر ما عشت الوحيد ويبستْ الارياق
كثر ما كفنونيّ هالبشر .. و العمر تابوتي

واحبك كثر ما قلبي الضعيف بغيبتك يشتاق
كثر ما في ضميري من عتاب ومانطق صوتي

سرّتني الصــــدفــة وفيهــــا تطمنت
انك بخــــير ومبتهج في المنـــــاظـر

قلمي

fateenah معجب بهذا

لك البـال يضحَك كل ما مرته ذكـراك
وأنا لا ذكرتك قلت .. ليت العمـر ثاني

شعوري على لهفة شعورك شعور إرباك
هو اللي يضحكني على كل شي قد بكاني

ماني خايف إن الوقت ياخذك لـ هنـاك
أنا خايف إن الوقت فيك.. يتحـداااني

أحبك وأعرف إني أحبك بدون إدراك
أنا قلبك الاول .. وأنا قلبك الثاني