القاضي شاعر الحكمة والوصف

:

:
الشاعر محمد بن عبدالله القاضي
المولود في عنيزة 1224ه
من أبرز شعراء نجد
وعاش في بيت علم وتربى على أيدي علماء
حفظ القرآن وهو ابن ثمان سنوات
وأحب قراءة التاريخ والادب
ومال الى الشعر النبطي الذي أجاد فيه ومارس فنونه
وفي آخر حياته أصـيب بالمرض
ونظم قصيدته التي يشكو فيها إلى الله حاله
:

:

يـا مـحـل العـفـو عـفـوك يــا عظـيـم
ولطـفـك الـلـي كـافــل كـــل الأنـــام
:
يــا سمـيـع يــا بصـيـر يــا عـلـيـم
يــا قــويٍ يــا مـتـيـنٍ يـــا ســـلام
:
يــا حمـيـد يــا مـجـيـدٍ يـــا حـكـيـم
يـــا عـزيــزٍ ذو الـجــلال والإكــــرام
:
يــا عـطـوفٍ يـــا رؤوفٍ يـــا رحـيــم
جـــلَّ شـانــه مـــا يـهــام ولا يــــرام
:
بـنـورك يــوم نـاجـاك الكـلـيـم
دك سيـنـا خــرّ مـوســى ثـم قـام
:
مُــوحدٍ يـدعـيـك بـالـلـيـل الـبَـهـيـم
بالتـخـضـع والـتـضـرع بـالـظــلام
:
خاشـعٍ لـك خـاضـع لك مُستقـيـم
أسألـك وأدعيـك بأسمـائك العـظـام
:
أن تروف بحـال مـن جسمـه سقيـم
عِـلـتـه تـبــراه لـــه خـمـسـة أعــــوام
:
داونــــي بــــدواك مِــــن داءٍ ألــيـــم
واشفنـي بشفـاك يـامـن لا يضـام
:
من انتحالي دوك حالـي حـام حيـم
والـمـرض رض الاعضاء والـعـظـام
:
مــدلــه نـفـســي بـتـدلـيـه الـعظـيـم
عـن لذيـذ النـوم مـع طيـب الطـعـام
:
ولا لـي اشكي غيـر للـرب الرحـيـم
سامك السـبـع السـمـاوات العـظـام
:
ذا ومـــع ذا لـــو تـمــادوا بالـنـعـيـم
فـــأن عـمــر الـمــرء خيره لـلـعــدام
:
كــل بــن انـثـى ولــو طــاول سـلـيـم
لازم ٍ يـشــرب بـكـاسـات الـحـمــام
:
من عميم إحسانـك ارحـم يـا رحيـم
يـوم نـزع الـروح وإن جاهـا حـمـام
:
قـــام يصـعّـدهـا ويـحـدّرهـا غـريــم
في عضاه من الدمـاغ إلـى البهـام
:
شاخـصٍ طـرفـه وريـقـه ريــق هـيـم
كــل عــرق بالـعـرق يـرشـح شـمـام
:
يــوم نـــزع الـــروح لـجــّن الـحـريـم
وجضو أهل البيت واشتغل الغـلام
:
والشـفـيـق الـلــي يـــودّه والـرحـيــم
يستشـيـن بـشــان تجـهـيـزه قـــوام
:
والخـشـب دني مــع الـخـام الرخـيـم
وفـصـلــو لــه وزرة فـــوقـــه إحرام
:
ثــم شـالــه كـــل شـغـمـوم حـشـيـم
مـرجـلــيــنٍ مـعـجـلـيــنٍ بـالــهــمــام
:
ووضـعــوه بـمُـوحـشٍ قـبــر ٍ ظـلـيـم
ووسـدوه اللبـن عــن ريــش النـعـام
:
وكشفـوا عـنـه الغـطـا قـبـل الهـديـم
وفكـكـوا عـنـه العصـايـب والـحــزام
:
ورصفـوا فوقـه مـن اللبـن الضخيـم
وأدخــلــوه وودعــــوه بـــــلا كـــــلام
:
وحــــدوه بـمـوحــش مــالــه نــديـــم
غـيـر مــا قــدّم مــن أعـمـالٍ قدام
:
عـنـد خـلـق يـارزيـن فـــي صميم
صامـتـيـن مــــا يــــردون الــســلام
:
حــالمـــا خـلّــوه بـالـبـرزخ مـقـيـم
جـاه مـن ناجـاه عـن خمـس تمـام
:
اسـألـه يلهـمـك رشــدك يـــا غـريــم
فــــي ثـبـاتــك للـمـلائـكـة الــكـــرام
:
وعقـب هـذا البعـث والهـول العظيـم
يــوم حـشــره يـــوم نـشــره لـلأنــام
:
يــوم يبـعـث كـــل ذي عـظــمٍ رمـيــم
فــي صعـيـد للحـسـاب والخـصـام
:
يـــوم نصـبـه لـلـصراط المسـتـقـيـم
لنـسـل يـافـث ثــم حــامٍ ثــم ســـام
:
حـاسـريــن عـابـريــن بــــه نـظــيــم
ذا يصيـح وذا يطـيـح مــن الـزحـام
:
وذا جـريـح وذا عطـيـب وذا سـلـيـم
وذا يـمـر مــرور بــرق ٍفـــي غـمــام
:
وذا يسـر وذا يجَـر إلــى الجحـيـم
وذا إلى الفردوس من بـاب السـلام
:
وذا يخـلـّد بالنـعـيـم الـلــي مُـقـيــم
وذا مسـيـم فــي لـظـى دوم الــدوام
:
كيـف مــن ييـقـن بـهـذا يــا غشـيـم
يغلي الـدنـيـا ويـغــرى بالـحـطـام
:
ويـن أبـوك وويـن جــدك؟ يــا عـديـم
ويـن خالـك ويــن خِـلـك والعـمـام
:
ويــــن شــبــان يــهـــدون الـعــديــم
ويـــن شـيـبــان ٍ شـغـامـيـمٍ كــــرام
:
صيـروا بقبورهـم مثـل الهشـيـم
خـامـديـنٍ هـامـديــنٍ فــــي هــــدام
:
تــبــرم الـدنـيــا ويـنـقــض لـلـبـريـم
وخيـرهـا منقضـيـةٍ مـثـل الحــلام
:
يا أحد يا واحدٍ شانه عظيم
يـا صمـد يـا عالـمٍ كــل الـعـلام
:
سـامـعٍ فــي غـبــة الـبـحـر البـهـيـم
صـوت يونـس يــوم نــادى بالـظـلام
:
يــا إلـهـي خــذ بـيــد قـلــب سـلـيـم
عــن عـذابـك يــوم للخـلـق ازدحـــام
:
مـن بحـر مجـدك وجـودك يـا كـريـم
نـفـحـةٍ نَـسـعـد بــهــا دوم الــــدوام
:
أنــني دســت الخـطـايـا مـــن قديــم
طالبـك صفحـك وعفـوك لــي خـتـام
:
الـهـوى والنـفـس أغـواهــا الـرجـيـم
ونشـر فضـلـك واســعٍ ذا والـسـلام
:
ذا صـلـى الله عـلــى طـــه اليـتـيـم
والــه والصَـحـب مــا هـــلّ الـغَـمـام
:
عــدد مــن طــاف بالـبـيـت الـقـديـم
بـيـن زمــزم والحـجـر هـــو والـمـقـام
:

:

الملكة الأبدية ,بندر السديري ,fateenah ,لمس الروح معجبون بهذا