:
دامك ملكتي كل قلبي وانا حي
خليه في صدري وهو معك مشبوك
جالك غفل مافيه وسمه ولا كي
حطي عليه أوسوم لك والف مبروك
هذي نتيجة يوم انا اقول له عي
ويقول لي سلم على الربع لاجوك
تصرفي به والمثل قال مبطي
جلداً ماهو جلدك تجره على الشوك
لكن دخيلك راعي الله وحني
الطيب يبقى والردى درب متروك
والعاطفه تبقا معك دوم هي هي
من صدر الأم إرضاع والأصل لابوك
جودي ولك مني تحيه وودي
مهما ابتعدتي عن صدى الصوت يصلوك
تصرفي...... والمثل قال مبطي
العرض الشجري