دليل المحبه شوف عيني عليك تغار

مسابقه فوانيس رمضان





ابياات بغااية الرووعه
لشااعر متعب التركي
اتمنى تروق لكم مثل رااقت لي ....

دليل المحبه شوف عيني عليك تغار = ولاودي الحاسد عيونك يطالعها..
مع انك رحلت بعيد لكن بقى التذكار = لياشافته عيني تسابق مدامعها..
دفنت الغرام بخافقي والقلوب اسرار = مشاعر هقيت ان الليالي تضيعها..
فرحت برجوعك ماطلبت لخطاك اعذار = ونفسي تناست ماجرى من تواضعها..
تهادت مشاعر خاطري لك بلا معيار = تجاهلتها لو كنت خابر دوافعها..
يقولونها قبلي يخون البحر بحار = والامواج لاهاجت خذت ماتبي معها..
تكاثرت منك الصد وأثر العلوم كبار = لقيتك على نفسي تقلب مواجعها..
اقوله وانا اللي شفت ذاك الغلا ينهار = يشوف الندم رجال نفسه يطاوعها..
مثل ماضرب جو خلا غادي محتار= يدوج ورجله مادرى وين موقعها..
تعرض سموم القيض والديار مامن ديار= هليك وشعر بالموت روحه ينازعها..
جحدت الغلا لين امتلى بالخفوق وثار = قصايد عساها اليوم تطرق مسامعها..
غرامك مثل نار حطبها الغلا والنار = تموت وغلاك اللي بقلبي يولعها..
غلاك بضميري واضح ماعليه غبار = تشيل الغلا نفسي وانا عاجز امنعها..
يقولون ماودعك قلت الفراق وصار= والانسان روحه تنسلب مايودعها..
هذيك الليالي وين وأثر الزمن دوار= خذاها ولاظني زماني يرجعها..
طوتها السنين ولابقالي سوى التذكار = ليا شافته عيني تسابق مدامعها..

أنا عليك من الكلام أغار
حتى كلامي معك يتعبني
يالمترف اللي ماعليك غبار
ايه والله أحبك ومعجبني
أسج بك وأداعب الافكار
وأخاف لا الواقع يكذبني
شاعرك ماهو بمثل هالشعار
بعض القصايد ماتناسبني
ناديتلك والمعجبين كثار
دور على صوتي وجاوبني
أنا وطن وانت حمام الدار
هديلك الأخاذ يطربني
يطيح وزن الشي بالتكرار
إلا كلامك يامعذبني
استاهلك حب وغلا واسرار
ومحبتك عمر يرتبني
قل للعواذل تحترق بالنار
لاصرت في دنياك كاسبني



قسما بمن رفع ااسماء بلا عمد أنها من اروع القصائد التي قرأتها
المتألقه دوماً في اختيار قصائدك مطنوخه
أسجل اعجابي بك و ب ذائقتك الأدبية الفخمه
سلمتي ياخيه

فخامة انثى
اسعدني ان اختياراتي ترتقي لذوقك واختياراتك الشعريه
واسعدني مرورك وطيب حروفك
لروحك الجوري

اجمل ما كتب نزار قباني من اشعار حزينة عن الفراق

/

/

صاحبة الذوق الجميل اللافت

مطنوخه

يروووق لي كثيراً طرحك

وما تجلبين من قصائد

.

.

مع التحية والتقدير ..

اخي ابراهيم
شكرا لك ع مشاركتك الرائعه
وشكرا على طيب مرورك الذي اسعدني
لرووحك الجوري

حبيبتي ابدعتي في الطررررح
يسسلمووو الايااادي

دليل المحبه شوف عيني عليك تغار = ولاودي الحاسد عيونك يطالعها..


روعه

أبدعتي ب الانتقاء


تسسسلم الايـآدي
على روعه طرحك

ابيات رائعه

صح لسان قايلها

وسلم لنا ذوقك الراقي

منى ارق التحايا

تسلمو احبتي ع مروركم العطر
مودتي

الله
صح السان قايلها وسلمت ذوق ناقلتها