على طاري صباح الورد وإسمك والحـلا والـذوق

على طاري صباح الورد

وإسمك والحـلا والـذوق

ذكرتك يـا أجمـل أحلامـي

بقافـي واستهليتـه

على درب القصيد أسوق

قلبي والخطـاوي شـوق

وإذا مالت بـي الخطـوة

علـى دربـك تناسيتـه

يهز الشـوق بأعماقـي

عناقيـد الغـرام عـذوق

ويقطف بالغلا فيني

غـرامـ(ن) خنـت وأخفيتـه

أحبك كثر ما يشعل

غرامك فـي حشـاي حـروق

وشبٌه زود لو يحرق

ضلوعي مـت مـا اطفيتـه

أحبك دمعتـ(ن) طاحت

على خد الصباح شـروق

يموت النور لـو طاحـت

علـى كفـي وضميتـه

أحبك إيه أحب إسمك

وأمـوت بجيـدك المنتـوق

و تخيل كثـر مـا أكـره

صـدودك , قمـت حبيتـه !!!

تموت من البطا غيمه

طعنها مـن جفـاك بـروق

وغشى روض الحشا وسمي

جفافك وإنت ما ارويته

رحلت وما بقى منك

سواك إنت و عنـا مفهـوق

عنـا ذاك الربيـع اللـي

غشانـي مـا تمنيـتـه

تعال إجرح على كيفك

تربـع واستحـل عـروق

تدلـل والبسـاط أحمـد

وأنـا لرضـاك مديـتـه

قم إسهج لآخر ضلوعـي

تغلغـل داخلـي برفـوق

حلالك ما بقى منـي

مـع اللـي لأجلـك أفنيتـه

من اللي من غديت أجمل قصيدة

ما غـدا لـه ذوق ..؟؟؟

ومن اللي كتـب باسمـك قصيـده

وانكسـر بيتـه ...؟؟

وربي من كتبت إسمـك

وبروزتـه بقلبـي فـوق

وأنـا مـا دار فـي بالـي

قصيـد مـا تحاليتـه

دخيل الدمعتين اللي

غـدت منهـا الخـدود شقـوق

ترفق سامحك ربي

علـى قلـب(ن) لـك أهديتـه

إذا لك حق في قلبي

فأنا لي فـي غـلاك حقـوق

و حقوق الشوق محفوظـة

وحـدي مـا تعديتـه

يذكرني صباح الورد

واسمك والحـلا والـذوق

وأردد يا ( أجمـل أحلامـي )

بقافـي يـوم هليتـه

.

.

.

مما اعجبني

همس الحرف ,جبرني الوقت ,فخامة أنثى معجبون بهذا

سلمت اناملك على قصيده
إحتراماتي لروحك

تعب قلبي معجب بهذا

رووووووعه
تعب قلبي سلمت على هذا الجلب الفاخر للقصيد
تقييمي وختمي

كلمات رائعة
وانتقاء مميز
تسلم يمناك
لك كل الود

تعب قلبي معجب بهذا

:
تعب قلبي
قصيده رائعه و جميلة الكلمات والمعنى
صح لسان شاعرها وسلمت يمينك ع النقل
ويعطيك العافيه ولا ننحرم جديدك
كلمات الثناء لا توفيك حقك شكراً لك على عطائك
ودمتم بهذا التميز والجمال الحرفي ورقي الحضور

تعب قلبي معجب بهذا

شكراً لكل من مر هنا
وعطر متصفحي بردهـ الجميل

فيض من العُذوبه أغرقتنا بها
نبض يلامس الوجد
وأنسكاب مِدجج بالجمال واللغة وألاحساس

بعيد كل البُعد عن التكلف
سلمت يمناك ياقدير/ ة
وكُونـــ/ ــي بخير وسعادة

مودتي

.. ..

:

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم

:

مع التحية والتقدير ..

:

.. ..